मुंबई : कन्नड सिनेमातील सुपरस्टार यांचे २९ ऑक्टोबर २०२१ रोजी हृदयविकाराच्या झटक्याने निधन झाले. त्यांच्या निधनामुळे चाहत्यांना मोठा धक्का बसला आहे. अजूनही त्यांचे चाहते या धक्क्यातून सावरू शकलेले नाहीत. पुनीत राजकुमार यांचा शेवटचा सिनेमा 'जेम्स'चा ट्रेलर रिलीज झाला आहे. तो रिलीज झाल्यानंतर चाहत्यांना पुन्हा एकदा त्यांची प्रकर्षाने आठवण झाली आहे. यामध्ये दाक्षिणात्य सुपरस्टार प्रभास याचीही समावेश आहे. प्रभासची भावूक पोस्ट दाक्षिणात्य याने पुनीत यांच्या शेवटच्या सिनेमाचे पोस्टर शेअर करत त्यांच्यासाठी भावूक पोस्ट लिहिली आहे. बाहुबली मुळे प्रसिद्ध झालेला अभिनेता प्रभास याने लिहिले आहे की, ' मला विश्वास आहे की जेम्स सिनेमातून आपल्या सर्वांना मास्टरपिस बघायला मिळणार आहे. हा सिनेमा लाखो लोकांसाठी खास आहे. हे सर्वजण सुपरस्टार पुनीत राजकुमार सरांवर आजही भरभरून प्रेम करत आहेत. आम्हा सर्वांना तुमची अशीच आठवण येईल आणि तुम्ही असेच स्मरणात रहाल...' जेम्स या सिनेमात पुनीत राजकुमार यांच्याबरोबर प्रिया आनंद दिसणार आहे. या सिनेमाचे दिग्दर्शन चेतन कुमार यांनी केले आहे. या सिनेमात राजकुमार यांचा भाऊ राघवेंद्र राजकुमार आणि शिवा राजकुमार ही दिसणार आहेत. हा सिनेमा पुनीत राजकुमार यांच्या वाढदिवशी म्हणजे १७ मार्च रोजी प्रदर्शित करण्याचा निर्मात्यांचा मानस आहे. राजकुमार यांचे चाहते देखील या सिनेमाची आतुरतेने वाट बघत आहेत. पुनीत राजकुमार यांना त्यांचे चाहते प्रेमाने अप्पू असे हाक मारायचे. पुनीत यांनी बालकलाकार म्हणून काम करायला सुरुवात केली. त्यानंतर त्यांनी अनेक सिनेमांत काम केले. त्यांचे अंजनीपुत्र, राजकुमार सारखे सिनेमे खूपच लोकप्रिय झाले होते.
from Marathi Bollywood News, Marathi Cinema News https://ift.tt/86RWE5Q
