मुंबई टाइम्स टीम बंद असलेली कधी उघडणार याची अद्याप काही शाश्वती नसल्यानं अनेक हिंदी चित्रपटांनी तिसरा पडदा, अर्थात प्लॅटफॉर्मची वाट धरली. परंतु, त्यावर म्हणावी तशी कमाई होत नसल्यानं आता चित्रपटांसाठी चौथ्या पडद्याचा पर्याय पुढे येतोय. सिनेनिर्माते-दिग्दर्शक यांनी त्यांच्या वैयक्तिक अॅपवर चित्रपट प्रदर्शित करण्याचा पर्यायपुढे आणला आहे. या संकल्पनेचं अनुकरण करत अनेक त्यांचे चित्रपट इथे प्रदर्शित करतील अशी चर्चा आता बीटाऊनमध्ये रंगू लागली आहे. अनेक सिनेनिर्माते आपला सिनेमा ओटीटीवर प्रदर्शित करण्यासाठी तयार आहेत. परंतु, काही सिनेनिर्मात्यांना ओटीटी प्लॅटफॉर्मशी करार करण्यात अडचणी येत आहेत. हे करार न होण्यामागे अनेक कारणं आहेत. त्यापैकी काही कारणं म्हणजे, निर्मितीसंस्थेला अपेक्षित असा आर्थिक फायदा ओटीटीकडून मिळत नाहीय. किंवा सिनेमा खरेदी करण्याबाबत ओटीटीकडून सकारात्मक प्रतिसाद मिळताना दिसत नाही. त्यामुळे सिनेनिर्माते चिंतेत आहेत. सिनेमागृहं पुन्हा सुरू होण्याची शक्यता वर्तवली जात असली तरी, प्रेक्षक थिएटरमध्ये येतील का? हा प्रश्न निर्मात्यांना सतावतो आहे. आर्थिक समस्यांमुळे सिनेमा प्रदर्शनासाठी आणखी थांबणंही काही निर्मात्यांना शक्य नाही. त्यामुळे या चौथ्या पडद्याचा पर्याय चर्चेत आला आहे. राम गोपाल वर्मा यांनी त्यांचा 'नेकेड' हा सिनेमा थेट स्वतःच्या वैयक्तिक अॅपवर प्रदर्शित करत, सिनेमाचं तिकिट २४० रुपये ठेवलं. सिनेमा प्रदर्शित केल्यानंतर पहिल्या तीस मिनिटांमध्ये २३ हजार ५६० तिकिटांची विक्री झाली. तर पहिल्या चोवीस तासात साधारण ३५ हजार ४४५ तिकीटं विकली गेल्याच कळतंय. 'नेकेड'बरोबरच 'क्लामॅक्स' हा सिनेमादेखील प्रदर्शित केला असून, येत्या काही दिवसांत '१२ बजे' हा चित्रपटदेखील प्रदर्शित करण्यात येणार आहे. हे सिनेमे पूर्ण लांबीचे नसून, लघुपटाच्या श्रेणीत येणारे आहेत. सिनेमांचे विषय आणि सादरीकरण बोल्ड असल्यामुळे सिनेमांना प्रेक्षकांची पसंती मिळतेय अशीही चर्चा आहे. 'बॉलिवूडसाठी हे 'पे पर व्ह्यु' सिनेप्रदर्शनाचं मॉडेल नवीन असलं, तरी परदेशात ते लोकप्रिय आहे. प्रेक्षकांना यामध्ये ठराविक काळासाठी सिनेमाचं तिकीट विकत घेऊन स्वतःच्या सोयीनुसार सिनेमा पाहता येतो. सिनेमागृह, टीव्ही आणि ओटीटीची ही मिश्र संकल्पना आहे. वर्मा यांनी प्रदर्शित केलेल्या दोन चित्रपटांनी यातून चांगली कमाई केली. हा पर्याय इतर सिनेनिर्मातेही स्वीकारू शकतील', असं ट्रेंड अॅनालिस्ट गिरीश जोहर यांनी सांगितलं. मराठी सिनेविश्वातही प्रारंभ एकीकडे हिंदी सिनेमांची प्रस्थापित ओटीटी प्लॅटफॉर्मवर रांग लागलेली असताना मराठी चित्रपट त्यावर अद्याप दिसत नाहीत. सिनेनिर्माते अक्षय बर्दापूरकर यांनी केवळ मराठी कलाकृतींसाठी स्वत:चा असा स्वतंत्र उभारण्याची योजना आखली आहे. या प्लॅटफॉर्मवर केवळ मराठी सिनेमांना आणि वेब सीरिजना प्राधान्य असणार आहे. 'अवतार' चित्रपटाचे जेम्स कैमेरुन म्हणतात की, जर तुम्ही फिल्ममेकर आहात तर; कॅमेरा उचला आणि शूटिंग करा. तशीच आजची परिस्थिती आहे. आज कुणीही कल्पक व्यक्ती कुठेही स्वतःच्या चित्रपटाचं चित्रीकरण करून स्वतः तो प्रदर्शित करू शकतो. स्वतः स्वतःच्या सिनेमांसाठी पर्याय निर्माण करायचा असतो; जे मी केलं. मी माझे सिनेमे आरजीवी वर्ल्ड थिएटरवर प्रदर्शित करतोय - रामगोपाल वर्मा, दिग्दर्शक-निर्माता बरेच निर्माते ओटीटी प्रदर्शनाच्या रांगेत आहेत. परंतु, सध्या नवं तंत्रज्ञान पाहता निर्माता स्वतःचा सिनेमा कमी खर्चात प्रेक्षकांपर्यंत पोहोचवू शकतात. बड्या प्रस्थापित ओटीटी कंपन्यांना वगळून निर्माते स्वतःचा स्ट्रीमिंग प्लॅटफॉर्म तयार करू शकतात. - शेखर कपूर, दिग्दर्शक .
from Marathi Bollywood News, Marathi Cinema News https://ift.tt/3gPNy1P