मुंबई: महानायक यांना करोनाची लागण झाली असून आज सायंकाळी मुंबईतील रुग्णालयात त्यांना दाखल करण्यात आले आहे. याबाबत खुद्द अमिताभ बच्चन यांनीच ट्विटरच्या माध्यमातून माहिती दिली आहे. ( Tests Positive For Coronavirus ) वाचा: अमिताभ बच्चन यांचा करोना चाचणी अहवाल पॉझिटिव्ह आला आहे. अहवाल पॉझिटिव्ह आल्यानंतर आपण रुग्णालयात दाखल झालो आहे, असे अमिताभ यांनी नमूद केले आहे. नानावटी रुग्णालयाच्या प्रवक्त्यांनी या वृत्ताला दुजोरा दिला आहे. अमिताभ यांना करोनाची लागण झाल्याने त्यांचे लाखो चाहते काळजीत पडले आहेत. अमिताभ यांनी ट्विटरच्या माध्यमातून स्वत: आपल्या आजारपणाबाबत माहिती देत संभ्रम वाढू दिलेला नाही. अमिताभ यांना आज सायंकाळी रुग्णायलात दाखल करण्यात आलं. त्यानंतर रात्री १० वाजून ५२ मिनिटांना त्यांनी ट्विट केलं व तपशील दिला. 'माझी करोना चाचणी पॉझिटिव्ह आली आहे. मला रुग्णालयात दाखल करण्यात आले आहे. रुग्णालयाने संबंधित यंत्रणांना याबाबत कळवलं आहे. घरातील अन्य सदस्य आणि स्टाफचे स्वॅबही तपासणीसाठी घेण्यात आले आहेत. त्यांचा करोना चाचणी अहवाल अजून आलेला नाही. त्याची प्रतीक्षा आहे', असे नमूद करतानाच अमिताभ यांनी संपर्कातील अन्य व्यक्तींनाही आवाहन केलं आहे. गेल्या दहा दिवसांत माझ्या संपर्कात आलेल्या सर्वांनी कृपया करोना चाचणी करून घ्यावी, अशी विनंती अमिताभ यांनी केली आहे. वाचा: दरम्यान, देशाची आर्थिक राजधानी आणि राज्याची राजधानी मुंबई शहर करोनाच्या विळख्यात सापडलं आहे. त्यामुळे मुंबईत एकप्रकारचं भीतीचं वातावरण पसरलं आहे. मुंबईत करोनावर नियंत्रण मिळवण्याचे आटोकाट प्रयत्न सुरू असले तरी स्थिती अद्याप नियंत्रणात आलेली नाही. मुंबईत मिशन बिगिन अगेन अंतर्गत अनेक निर्बंध शिथील करण्यात आले आहेत. त्यामुळे रस्त्यांवर पुन्हा एकदा गर्दी दिसू लागली आहे. त्याचा फटकाही मोठ्या प्रमाणात बसत आहे. मुंबईत गेल्या २४ तासांत करोनाचे १३०८ नवे रुग्ण आढळले असून ३९ जणांचा मृत्यू झाला आहे. त्याचवेळी १४९७ रुग्णांनी करोनावर मात केली आहे. मुंबईतील अॅक्टिव्ह रुग्णांची संख्या २२७७९ इतकी असून एकूण रुग्णसंख्या ९१४५७ इतकी झाली आहे. आतापर्यंत मुंबईत ५२४१ रुग्णांचा करोनामुळे मृत्यू झाला आहे. वाचा:
from Marathi Bollywood News, Marathi Cinema News https://ift.tt/32kwtcn