मुंबई: एका महिन्यापूर्वी बॉलिवूडला एक धक्का बसला. तो धक्का होता अभिनेता सुशांतसिंह राजपूत याच्या आत्महत्येचा. सुशांतनं आत्महत्या केली एक स्विकारायला त्याचे चाहते अद्यापही तयार नाहीत. या एका महिन्यात अनेक चर्चांना उधाण आलं. सुशांतच्या आत्महत्येनंतर त्याच्या खोलीतील फोटो सोशल मीडियावर व्हायरल झाले होते. या फोटोमधील एका फोटोत एक लाल रंगाची बॅग दिसत होती. ही लाल बॅग सुशांतच्या मित्राची होती, असं अनेक सोशल मीडिया पोस्टमध्ये म्हटलं गेलं. त्यामुळं सुशांतच्या आत्महत्येला एक वेगळंच वळण आलं होतं. अखेर एका महिन्यानंतर या लाल रंगाच्या बॅगेचं सत्य समोर आलं आहे. सुशांतच्या खोलीत ज्या प्रकारची लाल रंगाची बॅग होती तशीच एक बॅग त्याचा सर्वात जवळचा मित्र महेश शेट्टी याच्याकडं पण असल्याचे फोटो व्हायरल झाले होते. त्यामुळं आत्महत्येच्या वेळी महेश शेट्टी तिथंच होता का? असे अनेक प्रश्न सोशल मीडियावर फिरत होते. अखेर पोलिसांनी याचा खुलासा केला असून ही लाल रंगाची बॅक सुशांतच्या बहिणीची असल्याचं त्यांनी सांगितलं आहे. सुशांतची मोठी बहिण मीतू यांची ती लाल बॅग होती. सुशांतच्या मॅनेजरनं फोन केल्यानंतर त्या सुशांतच्या घरी पोहोचल्या होत्या. तेव्हा त्यांनी ही बॅग सोबत आणली होती, असं म्हटलं आहे. सोशल मीडियावर व्हायरल होणाऱ्या पोस्टमुळं सुशांतचा मित्र महेश शेट्टी याला मोठ्या प्रमाणत ट्रोल करण्यात आलं होतं. परंतु त्यानं कोणतीही प्रतिक्रिया दिली नव्हती. दरम्यान, सुशांतनं आत्महत्या केल्यानंतर त्यामागची कारणं शोधण्याचा प्रयत्न सुरू आहे. सुशांतचा मृत्यू गळफास घेतल्यानंच झाला असल्याचं शवविच्छेदन अहवालातून स्पष्ट झालं आहे. वांद्रे पोलिस ठाण्यात याप्रकरणी अपमृत्यूची नोंद करण्यात आली असली तरी पोलिसांनीही त्यांचा तपास आणि चौकशी सुरू ठेवली आहे. नुकत्याच एका पोलिस अधिकाऱ्यानं दिलेल्या माहितीनुसार सुशांत लॉकडाऊनपूर्वी आठवडाभर हिंदुजा रुग्णालयात उपचार घेत होता. सुशांतच्या आत्महत्येचं मुख्य कारण हे त्याचं डिप्रेशन असल्याचं सांगितलं जात असून याच्याच उपचारासाठी ते हिंदुजा रुग्णालयात अॅडमिट झाला होता. सुशांतनं आत्महत्याच केली असून हत्येचा कटाचा कोणताही पुरावा मिळाला नसल्याचंही या अधिकाऱ्यानं सांगितलं आहे. सुशांतनं आत्महत्या का केली याचंही उत्तर आम्हाला जवळजवळ मिळालं आहे, असंही ते म्हणाले. डिप्रेशनचे दोन भयावह आजार आहेत ज्यांनी सुशांतला ग्रासलं होतं.या दोन मानसिक आजारांनीच त्याचा जीव घेतला असल्याचंही त्यांनी सांगितलं आहे. पॅरानोया आणि बायपोलक डिसऑर्डर या दोन आजारांनी सुशांत ग्रासला होता. या आजारांवर हिंदुजा रुग्लालयात त्यानं आठवडाभर उपचार घेतले होते.
from Marathi Bollywood News, Marathi Cinema News https://ift.tt/2ZsSxPW
