मुंबई: वेगळ्या धाटणीचे, विचार करण्यास प्रवृत्त करणारे असे चित्रपट करणारा नायक अशी अभिनेता आयुष्यमान खुरानाची ओळख बनते आहे. भारतात ज्या विषयांना 'टॅबू' समजलं जातं अशा विषयांवरील चित्रपट तो करतो. अशा प्रकारच्या पटकथांवर आधारित एका पाठोपाठ एक असे आठ हिट चित्रपट आयुष्यमाननं दिले आहेत. 'अशा प्रकारचे चित्रपट निवडायचा मी जाणीवपूर्वक प्रयत्न करतो', असं तो म्हणतो. दर्जेदार मनोरंजन आणि त्याबरोबरच एखादा सामाजिक संदेश देणारे चित्रपट करण्यात आयुष्यमाननं सातत्य राखलं आहे. याबाबत तो म्हणतो, 'काही विशेष विषयांवर असलेले चित्रपट निवडायचा मी प्रयत्न करतो. मी हे जाणीवपूर्वक करत असतो. समाजाची मानसिकता आणि वर्तन हळूहळू का होईना, पण बदलू शकेल या दृष्टिनं परिणामकारक ठरतील असे सिनेमे प्रेक्षकांपर्यंत पोहोचवण्याच्या माझ्या प्रयत्नांचा भाग म्हणून मी नेहमीच सामाजिक विषयांवरील सिनेमे निवडतो. समाजात जे विषय टॅबू किंवा ज्यावर बोलणं निषिद्ध मानलं जातं अशा विषयांना सर्वसाधारणपणे कोणी हात घालत नाही. या विषयांवर सार्वजनिकपणे बोलणंही टाळलं जातं. तेच विषय निवडण्याचा प्रयत्न मी करतो. माझ्या आसपास मला शक्य होतील ते बदल घडवण्यासाठी माझे हे प्रयत्न मी असेच सुरू ठेवणार आहे. एक कलाकार म्हणून माझ्यासाठी ती सर्वात मोठी प्रेरणा आहे. लवकर लाँच झालो असतो ‘स्टारकिड असतो, तर केव्हाच या क्षेत्रात पर्दापण करता आलं असतं,’ असं मत आयुष्यमाननं मांडलं होतं. २०१२ मध्ये ‘विकी डोनर’सारख्या ऑफबीट विषयावर आधारित चित्रपटातून या क्षेत्रात येणारा आयुष्यमान आज अशा वेगळ्या प्रकारचे विषय हाताळणाऱ्या चित्रपटांचा हिरो मानला जातो. मेहनत आणि गुणवत्तेच्या जोरावर आज त्यानं आपलं स्थान निर्माण केलेलं असलं, तरी इथपर्यंतचा रस्ता त्याच्यासाठी सोपा नव्हता. एका मासिकाला दिलेल्या मुलाखतीत आयुष्यमाननं बॉलिवूडमधल्या भेदभावावर खुलेपणानं प्रतिक्रिया दिली होती.
from Marathi Bollywood News, Marathi Cinema News https://ift.tt/3ftecgl
