मुंबई: पावसाळा सुरू झाल्यामुळे शेतीच्या कामांना जोर आला आहे. बॉलिवूडचा सुपरस्टार सलमान खानदेखील सध्याच्या लॉकडाउनच्या काळात शूटिंग सोडून शेतीमध्ये रमला आहे. आपल्या शेतघरामध्ये (फार्महाऊस) उभा असलेला स्वत:चा एक फोटो त्यानं नुकताच ट्विट केलाय. या फोटोसोबत त्यानं 'जय जवान, जय किसान'चा नारा दिला आहे. या फोटोला चाहत्यांची खूप पसंती मिळतेय. पावसाचा जोर वाढल्यामुळे शेतकरी शेतांमध्ये राबत असल्याचं चित्र पाहायला मिळतंय. भात लावणीच्या कामांना जोर आला आहे. बॉलिवूडचा भाईजान सलमान खानचं पनवेलमध्ये मोठं फार्महाऊस आहे. लॉकडाउनच्या काळात सल्लू आपल्या फार्महाऊसमध्येच जास्त रमला होता. दरवर्षी तो स्वत: भात लावणीचं काम करत असतो. 'राधे...'च्या शूटिंगला अद्याप अवकाश असल्यानं सध्या तो तिथे स्वत: शेतीच्या कामांमध्ये रस घेतोय. सलमाननं आपल्या ट्विटर अकाऊंटवर, स्वत: भातशेतीत उभा असतानाचा फोटो पोस्ट केलाय. फक्त तेवढ्यावरच तो थांबलेला नाही. तर त्यानं या फोटोतून शेतकऱ्यांबाबत कृतज्ञताही व्यक्त केली आहे. या फोटोसोबत त्यानं, 'दाने दाने पे लिखा है, खानेवाले का नाम.....जय जवान, जय किसान' अशी ओळ लिहिली आहे. त्यामुळे सल्लूचे चाहते त्याच्या शेतीप्रेमावर खूश असल्याचं दिसून येतंय. करोनाच्या संकटकाळात सलमानननं तिथल्या गरजू लोकांना अन्नधान्याचं वाटपही केलं.
from Marathi Bollywood News, Marathi Cinema News https://ift.tt/2B0PIwf
