मुंबई :सुमारे चार महिन्यांनंतर नव्या नियमांसह मालिकांच्या चित्रीकरणाला सुरुवात झाली आहे. '' या लोकप्रिय मालिकेत आता रमाबाई मोठ्या झालेल्या दिसणार आहेत. मोठ्या रमाबाईंच्या भूमिकेत कोण दिसणार याबाबतची उत्सुकता शिगेला पोहोचली होती. मोठ्या रमाबाईंची भूमिका रेवती लेले ही अभिनेत्री साकारणार आहे. शीर्षक भूमिका असलेली रेवतीची ही पहिलीच मालिका आहे. व्हर्च्युअल माध्यमातून कास्टिंग प्रक्रिया करण्यात येऊन तिची निवड करण्यात आलीय. लॉकडाउनच्या ब्रेकनंतर मालिकांच्या कथानकात आणि कलाकारांमध्येदेखील बदल होताना दिसताहेत. बालकलाकारांना आता सेटवर येता येणार नाहीय. त्यामुळे मोठ्या रमाबाईंच्या भूमिकेसाठी कास्टिंग प्रक्रिया पार पडली. हे कास्टिंग व्हर्च्युअली करण्यात आलं होतं. सरकारनं चित्रीकरणासाठी आखून दिलेल्या नियमावलीत कास्टिंगबाबतही मार्गदर्शक सूचना होत्या. ज्यात कलाकारांच्या कास्टिंगची प्रक्रिया ही प्रत्यक्ष भेटून न करता ऑनलाइन व्हर्च्युअल पद्धतीनं व्हावी असं सांगण्यात आलं होतं. मोठ्या रमेच्या पावलांनी आता शनिवारवाडा उजळणार आहे. मोठ्या रमाबाईंच्या भूमिकेत दिसणारी रेवती लेले ही कथक नृत्यांगना आहे. ही महत्त्वाची भूमिका ती कशी साकारणार याविषयी उत्सुकता असेल. दरम्यान, बहुतांश मालिकांचे नवीन भाग आता प्रक्षेपित होणार आहेत. प्रेक्षकांचं लक्ष स्वतःकडे खेचून घेण्यासाठी वाहिन्या सर्वतोपरी प्रयत्न करताना दिसतायेत. मालिकांचं जोरात प्रमोशन सुरू आहे. एकिकडे ही तयारी जोरात सुरू असताना, कुठेही काम अडू नये म्हणून एक बॅकअप प्लॅनही तयार आहे. या बॅकअप प्लॅनमुळे टीव्हीच्या पडद्यामागे एक वेगळीच मालिका रंगतेय. या प्लॅनच्या परिणामांची टांगती तलवार प्रामुख्यानं कलाकारांवर असल्यानं त्यांच्यामध्ये काहीसं चिंतेचं वातावरणदेखील आहे. एका नटाला आणि दोन क्रू सदस्यांना करोनाची लागण झाल्यामुळे तीन हिंदी मालिकांचं चित्रीकरण अलीकडेच तीन दिवसांसाठी थांबवण्यात आलं होतं. सध्या त्यांच्यावर उपचार सुरू असून, मालिकेचं चित्रीकरण पुन्हा सुरक्षितपणे पुढे सुरू झालं आहे. सरकारनं आखून दिलेल्या नियमांचं काटकोर पालन करुनही दुर्दैवानं मालिकांच्या सेटवर करोनाचा शिरकाव झाल्यामुळे मनात धास्ती आहे. आता मालिकेतील मुख्य कलाकारालाच करोनाची लागण झाल्यास काय करायचं याची आखणी सध्या केली जात आहे.
from Marathi Bollywood News, Marathi Cinema News https://ift.tt/39ge1mp
