मुंबई- 'बिग बॉस १४' काही दिवसांत सुरू होणार आहे. यासंबंधीचे दररोज नवनवीन अपडेट येत आहेत. अलीकडे निर्मात्यांनी शोच्या प्रोमोमध्ये स्पष्ट केलं की, यावेळी स्पर्धकांना घरातली कोणतीही कामं करावी लागणार नाहीत. तसंच अशीही बातमी समोर आली आहे की, यावेळी बिग बॉसच्या घरी स्पर्धक म्हणून येणार्‍या सर्व सेलिब्रिटींना काही दिवसांपूर्वी हॉटेलमध्ये क्वारन्टीन करण्यात येणार आहे. त्यांची करोनासंबंधीच्या सर्व चाचण्या करण्यात येतील. समोर आलेल्या माहितीनुसार, या शोमध्ये प्रवेश करणाऱ्या स्पर्धकांची दर आठवड्याला करोना चाचणी केली जाईल आणि त्यांना डबल बेड दिले जाणार नाही. 'द खबरी' नावाच्या ट्विटर हँडलने ट्वीटमध्ये काही आठवड्यांसाठी घरी बंदी घालण्यात आलेल्या गोष्टींची यादी शेअर केली आहे. बेड्सची भांडी शेअर करण्यावर बंदी! ट्वीटमध्ये असे लिहिले की, 'यावेळी स्पर्धकांसाठी डबल बेडची सोय असणार नाही. तसंच त्यांना आपला बेड शेअर करण्याचीही परवानगी नसेल. तसेच ते आपली भांडीही इतरांसोबत शेअर करू शकत नाहीत. सुरुवातीच्या आठवड्यात, स्पर्धक एकमेकांना स्पर्श करतील अशी कोणतीही शारीरिक कार्य होणार नाहीत. कोविडची चाचणी दर आठवड्यात केली जाईल. स्पर्धकांसाठी बिग बॉसच्या घरात मिनी थिएटर, मॉल, रेस्टॉरन्ट कॉर्नर आणि स्पा असणार आहे.' 'बिग बॉस १४'चा ३ ऑक्टोबरला होणार प्रीमिअर तथापि, अद्याप अधिकृतपणे याची पुष्टी झालेली नाही. 'बिग बॉस १४' हा रिअॅलिटी शो ३ ऑक्टोबरपासून सुरू होणार आहे. याचा प्रीमिअर एपिसोड ३ ऑक्टोबरला रात्री ९ वाजता पाहता येणार आहे. शोचा होस्ट सलमान खान १ ऑक्टोबरला या प्रिमीअर एपिसोडचं चित्रीकरण करणार आहे. 'द खबरी'नुसार 'बिग बॉस'चे माजी स्पर्धक सिद्धार्थ शुक्ला, हिना खान, गौहर खान आणि मोनालिसा यांनी एका खास भागाचं प्रोमो शूट केलं आहे.
from Marathi Bollywood News, Marathi Cinema News https://ift.tt/3mzBkxR
