मुंबई: मुंबईत न येण्यासाठी शिवसेना नेते यांनी मला धमकी दिली आहे, असा गंभीर आरोप करतानाच सध्या मुंबई पाकिस्तान व्याप्त काश्मीरसारखी का वाटत आहे, असा सवाल अभिनेत्री हिने केला आहे. शिवसेना नेते संजय राऊत यांनी कंगनाला मुंबईत भीती वाटत असेल तर तिनं मुंबईत येऊ नये, असं म्हटलं होतं. त्याला कंगनानं ट्विटरवरून प्रत्युत्तर दिलं आहे.'मला मुव्ही माफिया गुंडापेक्षा मुंबई पोलिसांची जास्त भीती वाटतेय,' असं ट्विट कंगना केलं होतं. यानंतर या ट्विटला उत्तर देताना संजय राऊत यांनी धारेवर धरल होतं.'पोलिस यंत्रणेवर अविश्वास दाखवताय. कोणाला इतर राज्याची सुरक्षा हवी असेल कर त्यांनी आपलं चंबू गबाळ आवरावे आणि आपल्या राज्यात जावं,' या शब्दांत कंगनाला खडे बोल सुनावले होते. 'राज्याच्या गृहमंत्र्यांनी यावर उत्तर दिलं पाहिजे, मग ते कोणीही असेल. या राज्यावर, पोलिसांवर विश्वास नाही. तुम्ही इकडंच मीठ खाताय, ही तर बेईमानी आहे. अशा व्यक्तींच्या मागे राजकीय पक्ष उभे राहत असतील तर हीसुद्धा बेईमानी आहे. त्यामुळं मुख्यमंत्री आणि गृहमंत्री यांनी या विषयावर गांभीऱ्यांनं दखल घेऊन या लोकांवर कारवाई केली पाहिजे,' अशी मागणी त्यांनी सरकारकडं केली होती. त्याचबरोबर, 'कोणाला इतर राज्याची सुरक्षा हवी असेल तर त्यांनी चंबू गबाळ आवरावं आणि आपल्या राज्यात जावं. हा काय तमाशा चालवलाय?,' असा सवालही त्यांनी केला होता. संजय राऊत यांच्या या ट्विटला उत्तर देताना कंगना पुन्हा एकदा संजय राऊत यांच्यावर थेट आरोप केला आहे. कंगनानं नुकतच एक ट्विट केलं आहे. 'संजय राऊत यांनी मला जाहीर धमकी दिली असून पुन्हा मुंबईत येऊ नकोस, असं धमकावलं आहे. मुंबईच्या रस्त्यांवर आजादी ग्रॅफिटी आणि आता ही जाहिर धमकी, मला मुंबई पाकिस्तान व्याप्त काश्मीरसारखी का वाटत आहे, असा सवाल कंगनानं तिच्या ट्विटमध्ये केला आहे. सुशांतप्रकरणी कंगनाला करायचीये मदत सुशांतसिंह राजपूत प्रकरणी काही चॅट व्हायरल झाले होते. या चॅटमध्ये रिया चक्रवर्ती ड्रग्ज डिलींग करत असल्याचा दावा केला जात आहे. बॉलिवूड आणि ड्रग्जचा संबंध असल्याचं कंगनानं म्हटलं होतं. बॉलिवूडमधील पार्ट्यांत कोकेन हमखास वापरले जाते. त्यामुळं तिला नारकोटिक्स ब्युरोची मदत करायची आहे पण त्यासाठी तिला संरक्षण हवं असल्याचं, तिनं एक व्हिडिओ ट्विट करत म्हटलं होतं.
from Marathi Bollywood News, Marathi Cinema News https://ift.tt/2F5tv1t
