मुंबई- बॉलिवूड अभिनेता आमिर खानने सोशल मीडियावर त्याचे मराठीचे गुरू यांच्या निधनाबद्दल माहिती देत दुःख व्यक्त केलं. मुंबईतील सैफी इस्पितळात सुहास यांनी अखेरचा श्वास घेतला सामायिक करत दुःख व्यक्त केले आहे. सुहास यांचं मुंबईतील सैफी रुग्णालयात निधन झालं. गेल्या अनेक दिवसांपासून सुहास हे Coronary Heart Disease या आजाराने त्रस्त होते. काल त्यांची प्राणज्योत मालवली. आमिरने सोशल मीडियावर ही घटना शेअर करताना म्हटले की, 'मला तुमच्या मृत्यूची बातमी समजताच मी हादरलो होतो कारण तुम्ही माझे उत्तम शिक्षक होता. तुमच्या बरोबर चार वर्षे घालवलेली गोष्ट माझ्यासाठी खूपच मौल्यवान आहे. आपण यापुढे आमच्याबरोबर नाही यावर माझा विश्वास नाही. तुझ्याबरोबर घालवलेला प्रत्येक क्षण माझ्यासाठी खास आहे.' पुढे आपल्या सोशल मीडिया पोस्टमध्ये लिहितो, 'तुमची विचार करण्याची पद्धत, गोष्टींमध्ये रस आणि नवीन गोष्टी जाणून घेण्याची आवड तुमची व्यक्तिमत्त्वता इतरांपेक्षा वेगळी बनवते. तुम्ही मला फक्त मराठीच नाही तर इतर गोष्टी शिकवल्या आहेत.' सोशल मीडियाच्या पोस्टमध्ये आमिरने शेवटी लिहिले की, त्याला नेहमीच त्याचे मराठीचे गुरू स्मरणात राहतील. सुहास लिमये हे एक मराठी आणि संस्कृत अभ्यासक होते. आमिरने त्यांच्याकडून खास मराठीची शिकवणी घेतली होती. सुहास यांच्यामुळे आज आमिर मराठीत अगदी सहज बोलताना दिसतो. सध्या आमिर खान तुर्कीस्तानमध्ये आहे आणि लालसिंग चड्ढा या सिनेमाच्या चित्रीकरणात व्यग्र आहे. १५ ऑगस्टला इस्तंबूलमध्ये आमिर खानने तुर्कीस्तानची राष्ट्राध्यक्षांची पत्नी अमीन अर्दोआन यांची भेट घेतली होती. या भेटीचे अनेक फोटोही सोशल मीडियावर व्हायरल झाले होते. या भेटीमुळे आमिर खानला मोठ्या प्रमाणात ट्रोल करण्यात आलं होतं.
from Marathi Bollywood News, Marathi Cinema News https://ift.tt/3blyHue
