मुंबई टाइम्स टीम '' आणि '' या चित्रपटांच्या प्रदर्शनाच्या तारखा पुढे ढकलण्यात आल्या असून, हे दोन्ही चित्रपट आता नोव्हेंबरमध्ये दिवाळीच्या दिवसात ओटीटीवर प्रदर्शित होणार आहेत. तर, दुसरीकडे दिवाळीतच अक्षयकुमारचा बहुप्रतीक्षित 'सूर्यवंशी' हा चित्रपटदेखील सिनेमागृहात प्रदर्शित करण्याचं ठरलं आहे. त्यामुळे आयपीएलनंतर बॉलिवूडमध्ये सिनेमांची टक्कर रंगलेली पाहायला मिळणार आहे. डिस्नी प्लस हॉटस्टारनं बॉलिवूडचे काही चित्रपट थेट ओटीटीवर प्रदर्शित करण्याचा निर्णय घेताना असं म्हटलं होतं, की हे चित्रपट जुलै ते ऑक्टोबरच्या दरम्यान प्रदर्शित केले जातील. यापूर्वी 'लक्ष्मी बॉम्ब' हा चित्रपट ९ सप्टेंबरला प्रदर्शित करण्याचं ठरलं होतं. परंतु, आता अक्षयकुमारचा 'लक्ष्मी बॉम्ब' ९ नोव्हेंबरला अर्थात दिवाळीच्या आठवड्यात प्रदर्शित करण्याचं निश्चित झालं आहे. तसंच अभिषेक बच्चनचा 'बिग बुल' हा चित्रपट नोव्हेंबरच्या अखेरीस प्रदर्शित होणार आहे. 'कुली नंबर वन' देणार टक्कर? वरूण धवन आणि सारा अली खान यांचा 'कुली नंबर वन' हा चित्रपट पहिल्यांदा १ मेला चित्रपटगृहांत प्रदर्शित होणार होता. परंतु, आता हा चित्रपट अॅमेझॉन प्राईमवर दिवाळीच्या मुहूर्तावर प्रदर्शित होणार असल्याचं कळतंय. त्यामुळे दिवाळीच्या या दिवसांमध्ये बॉलिवूडपटांची प्रदर्शनासाठी पुन्हा एकदा टक्कर पाहायला मिळणार आहे. याव्यतिरिक्त इतर ओटीटी कंपन्यादेखील त्यांचे चित्रपट आयपीएलच्या दिवसात प्रदर्शित न करता नोव्हेंबरमध्ये, अर्थात दिवाळीतच प्रदर्शित करण्याच्या विचारात आहेत. त्यामुळे या सिनेमांच्या टक्करीमध्ये आणखी भर पडण्याची शक्यता आहे. याबाबत ट्रेंड अॅनालिस्ट गिरीश जोहर सांगतात की, 'यंदाच्या वर्षी संपूर्ण आयपीएलचं प्रक्षेपण ओटीटीवरच होत आहे. त्यामुळे बहुतांश प्रेक्षकांचा संपूर्ण ओढा आयपीएलकडेच असणार आहे. परिणामी ओटीटीवर चित्रपट पाहणाऱ्यांची संख्या कमी असेल. यापूर्वीदेखील जेव्हा आयपीएल असायचं, तेव्हा चित्रपटगृहात फार बिग बजेट चित्रपट प्रदर्शित होत नव्हते. तसंच काहीसं चित्र यंदा ओटीटीच्या बाबतीतही कायम आहे. परिणामी यामुळे नोव्हेंबर महिन्यात चित्रपटांची प्रदर्शनासाठी टक्कर पाहायला मिळेल.' चित्रपटगृह विरुद्ध ओटीटी गेल्या सहा महिन्यांपासून चित्रपटगृहं बंद आहेत. परंतु, नोव्हेंबरपर्यंत देशभरातील चित्रपटगृहं प्रेक्षकांसाठी खुली केली जातील, अशी आशा थिएटरमालक आणि सिनेनिर्मात्यांना आहे. त्यामुळे अक्षयकुमारचा बहुप्रतीक्षित 'सूर्यवंशी' हा चित्रपट दिवाळीच्या आठवड्यात केवळ चित्रपटगृहांत प्रदर्शित करण्याची योजना निर्मात्यांनी आखली आहे. त्याबरोबरच या दिवसांमध्ये वरूण धवनचा 'कुली नंबर वन' हा चित्रपट ओटीटीवर प्रदर्शित करणार असल्याची चिन्हं आहेत. त्यामुळे करोनापश्चात या न्यू नॉर्मलमध्ये 'चित्रपटगृह व्हर्सेस ओटीटी' अशी लढत प्रेक्षकांना पाहायला मिळेल. दिवाळीच्या दिवसात प्रदर्शित होणारे चित्रपट लक्ष्मी बॉम्ब - ९ नोव्हेंबर कुली नंबर वन - १३ नोव्हेंबर सूर्यवंशी - १३ नोव्हेंबर
from Marathi Bollywood News, Marathi Cinema News https://ift.tt/2ZOLdhi
