मुंबई: बॉलिवूडने काम दिलं, मुंबईने ओळख मिळवून दिली असं असताना बॉलिवूड आणि मुंबईच्या विरोधात बोलणाऱ्यांना उत्तर देणं गरजेचं असल्याचं म्हणत अभिनेत्री हिनं हिच्यावर निशाणा साधला होता. उर्मिलानं टीका केल्यानंतर कंगनानंही आता तिच्यावर पलटवार केला आहे. कंगनानं उर्मिलावर टीका करताना वादग्रस्त शब्दांचा वापर केल्यानं उर्मिलाच्या चाहत्यांनी कंगनावर टीकास्त्र सोडल्याचं पाहायला मिळत आहे. टाइम्स नॉउला दिलेल्या मुलाखतीत कंगनानं उर्मिलावर टीका केलीए. 'उर्मिलाची एक अपमानास्पद मुलाखत पाहिली. ज्या प्रकारे ती माझ्याबद्दल बोलत आहे, ते अत्यंत चिढ आणणारं आहे. माझ्या संघर्षाची खिल्ली उडवण्यात आली आहे. तिकीट मिळावं म्हणून भाजपला खूष करण्यासाठी मी हे करत असल्याचं तिनं म्हटल असलं तरी हे माझ्यासाठी अवघड नाहीए', असं कंगनानं म्हटलं आहे. कंगना इतकं म्हणून थांबली नाही तर तिनं उर्मिलाचा उल्लेख चक्क असा केल्यानं नवीन वादाला तोंड फुटण्याची शक्यता आहे. उर्मिला मातोंडकर सॉफ्ट पॉर्न स्टार आहे. त्यामुळं नक्कीच तिची ओळख अभिनेत्री अशी केली जात नाही. जर तिला तिकीट मिळू शकतं तर मला का नाही? असं कंगनानं म्हटलं आहे. कंगना आज एक बोलते उद्या एक बोलते, त्यामुळं तिचा खोटेपणा समोर असल्याचंही उर्मिला म्हणाली. खोटं बोलणाऱ्या व्यक्तीला आपण काय बोललो हे लक्षात नसतं. तसंच काही तरी कंगनाचं झालं असल्याचं उर्मिला म्हणाली. आज एका व्यक्तीबद्दल एक बोलते तर उद्या त्याच व्यक्तीबद्दल काही ती वेगळं बोलतेय, असे अनेक व्हिडिओ सध्या व्हायरल होतायत, असं म्हणत उर्मिलानं कंगनाची चांगलीच शाळा घेतली होती. उर्मिलानं घराणशाहीवरही तिचं मत व्यक्त केलं. घराणेशाही म्हणजेच नेपोटिझन केवळ बॉलिवूडमध्येच आहे असं नसून सगळ्याचं क्षेत्रात आहे, असं उर्मिला म्हणाली. स्टारकिड्सही तितकेचं कष्ट आणि मेहनतीनं त्याचं करिअर बनवत असतात, हे सांगितानं तिनं टायगर श्रॉफ याचं भरभरून कौतुक केलं होतं. दरम्यान, बॉलिवूड इंडस्ट्रीनं कोणती 'थाळी' दिलीए, असं म्हणत कंगनानं जया बच्चन यांना देखील प्रत्युत्तर दिलं आहे. जयाजी आणि त्यांच्या इंडस्ट्रीनं कुठली थाळी दिलीए,(जयाजी आणि त्यांच्या इंडस्ट्रीनं काय काम दिलंय.) एक थाळी मिळत होती.(एक काम मिळत होतं). ज्यामध्ये दोन मिनिटांचं आयटम नंबर आणि एक रोमॅंन्टीक सीन मिळत होता. तो देखील हिरोसोबत झोपल्यानंतर...मी इंडस्ट्रीला स्त्रीवाद शिकवलाय. माझी थाली स्वत: देशभक्ती आणइ महिलाप्रधान चित्रपटांनी सजवलीए. त्यामुळं ही माझी थाळी आहे, जयाजी तुमची नाही', असं आणखी एक वादग्रस्त ट्विट कंगनानं केलं आहे.
from Marathi Bollywood News, Marathi Cinema News https://ift.tt/2ZNEzYJ
