मुंबई:दिवंगत बॉलिवूड अभिनेता याच्या शवविच्छेदन अहवालाचा (Postmortem Report) तपास एम्सचे डॉक्टर करत असून आज याचा अहवाल सादर केला जाण्याची शक्यता आहे. सुशांतचा मृत्यू नक्की कशामुळे झाला हे आता समोर येण्याची शक्यता आहे. सुशांतला विष देण्यात आलं होतं का? हे अहवालात समोर येणार असल्यानं आजचा दिवस सुशांतच्या मृत्यू प्रकरणात महत्त्वाचा मानला जात आहे. सीबीआयनं एम्सच्या डॉक्टरांचे पथक तयार केलं आहे. या पथकात एम्सच्या चार डॉक्टरांचा समावेश आहे. डॉक्टरांच्या या पथकाचं नेतृत्व डॉ.सुधीर गुप्ता करत आहेत. डॉक्टरांची ही टीम सुशांतच्या शवविच्छेदन अहवालाची चौकशी केल्यानंतर त्याबद्दल आपले मत देईल. हे मत तपासाच्या दृष्टीनं अतिशय महत्वाचे ठरेल असं म्हटलं जात आहे. सीबीआयने डॉक्टरांच्या या पथकाला सुशांतसिंहचा शवविच्छेदन अहवाल पाठविला आहे. या अहवालासह केमिकल रिपोर्ट देखील पाठवण्यात आला आहे. या शवविच्छेदन अहवालाचा अभ्यास केल्यानंतर डॉक्टरांचे पथक मुंबईला जाणार आहे. डॉ.सुधीर गुप्ता हे एम्स मधील फॉरेन्सिक विभागाचे प्रमुख आहेत. डॉ सुधीर गुप्ता यांना देशातील अनेक जटील खून प्रकरणांच्या तपासाचा अनुभव आहे. डॉ सुधीर गुप्ता यांनी सुनंदा पुष्कर, शीना बोरा प्रकरणातील शवविच्छेदन अहवालांची चौकशी केली आहे. डॉ. सुधीर गुप्ता यांनी यापूर्वी सीबीआयसोबत बर्‍याच प्रकरणांमध्ये काम केलं आहे. माजी केंद्रीय मंत्री गोपीनाथ मुंडे यांच्या रस्ते अपघातात मृत्यू झाल्याची चौकशी सीबीआय करीत होती. या प्रकरणातही डॉ. सुधीर गुप्ता यांनी सीबीआयबरोबर काम केलं आहे. या व्यतिरिक्त, डॉक्टर सुधीर गुप्ता यांनी दिल्लीच्या हाय प्रोफाइल हत्याकांड प्रकरणाच्या चौकशीतही त्यांचा समावेश होता. दरम्यान, सुशांतसिंहची मैत्रिण रिया चक्रवर्ती ही भाऊ शौविक व सुशांतचा व्यवस्थापक सॅम्युएल मिरांडामार्फत मागवून ते सुशांतसिंहला देत होती, असं प्रारंभी सीबीआय आणि त्यानंतर एनसीबीच्या तपासात समोर आलं आहे. याबाबत एनसीबी मुंबई क्षेत्राचे सह संचालक समीर वानखेडे यांनी सांगितले की, ‘हे सातही जण चरस व गांजाचा पुरवठा करणारे आहेत. त्यांच्यापैकी करमजित हा चरस व गांजाचा पुरवठा करणारा मुंबईतील सर्वात मोठ्या दलालांपैकी एक आहे. करमजित सातत्याने सुशांतसिंह, रिया व शौविकला अमली पदार्थांचा पुरवठा करीत असल्याची माहिती मिळाली आहे. यामुळेच अधिक तपासासाठी या सर्व सात जणांना अटक करण्यात आली असून सोमवारी त्यांना न्यायालयात हजर केले जाणार आहे.’
from Marathi Bollywood News, Marathi Cinema News https://ift.tt/33A9ngJ
