संपदा जोशी कुणाचे बोबडे बोल, कुणी गायलेली गाणी, कुणाच्या निरागस गप्पा...मराठी कलाकारांची गोंडस मुलं सध्या सोशल मीडियाच्या माध्यमातून चाहत्यांची आवडती बनली आहेत. त्यांचे फोटो-व्हिडीओ मोठ्या संख्येनं पाहिले जाताहेत, त्यांना भरभरुन लाइक्स मिळताना दिसताहेत. या चिमुकल्यांविषयी आणि त्यांच्या व्हिडीओंविषयी ते कलाकार काय म्हणताहेत?...वाचा. ठरवून केलेलं नाही यातला कोणताही व्हिडीओ मी ठरवून केलेला नाही. जेव्हा लॉकडाउन सुरू झालं, तेव्हा माझ्या बायकोनं सहजच आमच्या मुलीचा, अन्वीचा व्हिडीओ काढून शेअर केला होता. माझ्या फेसबुक पेजवर तो जवळपास २८ लाख लोकांनी बघितला. व्हॉटसअॅप, युट्यूबचा आकडा अजून वेगळा आहे. तिचं कौतुक करणारे खूप फोन मला आले. त्यामुळे वडील म्हणून खूपच भारी वाटतं. 'कोकणी माणूस' हा व्हिडीओसुद्धा, आम्ही दोघे गप्पा मारत होतो आणि बायकोनं आमच्या नकळत चित्रित केलेला आहे. - , अभिनेता एखादा मेसेज हवा माझा मुलगा व्ह्योमसोबतचे व्हिडीओ शेअर करण्यामागे हेतू असा काही नसतो. मी त्याचे एकट्याचे फोटो, व्हिडीओ सोशल मीडियावर पोस्ट करत नाही. कारण मला ते आवडत नाही आणि पटतही नाही. त्याला अजून सोशल मीडियामधलं काही समजत नाही. त्यामुळे त्याची प्रत्येक गोष्ट पोस्ट करणं आवडत नाही. त्याच्याबरोबरचे असे व्हिडीओ मी शेअर करतो ज्यातून मला काही मेसेज द्यायचा असेल किंवा आमचा काहीतरी किस्सा असेल. आताचा आमचा व्हिडीओदेखील 'जबाबदारीनं चाला. कोणीतरी तुमच्या पावलावर पाऊल टाकत आहे' ही कॅप्शन मला शेअर करायची होती. म्हणून मी आमचा व्हिडीओ पोस्ट केला. - , अभिनेता भरभरुन प्रेम जेव्हा मीराचा जन्म झाला तेव्हा माझ्या चाहत्यांकडून माझी लेक म्हणून तिला भरभरून प्रेम मिळालं. कलाकार म्हणून मी याबद्दल स्वतःला भाग्यवान समजतो. जसजशी ती मोठी व्हायला लागली तसं चाहत्यांकडून आग्रह होतो की तिच्याबरोबरचे फोटो, व्हिडीओ शेअर करा. त्यामुळे पूर्ण काळजी घेऊन मीराचं एक पेज मी इन्स्टाग्रामवर उघडलं होतं. ते पेज प्रोटेक्टेड आहे, जेणेकरून कोण फॉलो करतंय हे आम्हाला समजू शकेल. मी जेव्हा लाइव्ह करतो तेव्हासुद्धा रसिक 'मीरा कुठेय? तिला बोलवा ना' अशी खूप मागणी होते. माझ्यामुळे आणि मीरामुळे जर प्रेक्षकांना आनंद मिळणार असेल, सकारात्मकता मिळत असेल तर ते मला समाधान देणारं आहे. मीरावरचं हे प्रेम बघून तिचा बाबा म्हणून खूपच छान वाटतं. - मंगेश बोरगावकर, गायक आदिनाथच्या गोष्टी अभिनेता आदिनाथ कोठारेसुद्धा त्याच्या इन्स्टाग्राम अकाऊंटवरुन 'जिजा आणि डॅडा' अशा छोट्या-छोट्या गोष्टी शेअर करत असतो. त्याची मुलगी जिजाचे, तिच्याबरोबरचे फोटोदेखील तो शेअर करत असतो. रेणुकाचे व्हिडीओ सुप्रसिद्ध गायक राहुल देशपांडेची मुलगी रेणुकाचे व्हिडीओही खूप प्रसिद्ध झाले. तिने म्हटलेली गाणी रसिकांना खूप आवडली. रेणुकावरसुद्धा रसिक भरभरून प्रेम करताना दिसताहेत. सोशल मीडियावर प्रसिद्ध अभिनेता स्वप्निल जोशीदेखील त्याच्या मुलांचे, म्हणजेच राघव आणि मायराचे व्हिडीओ त्याच्या 'पिल्लू टिव्ही' या युट्यूब चॅनलवर आणि सोशल मीडियावरून शेअर करत असतो. त्याचे आणि मुलांचे फोटोदेखील सोशल मीडियावर प्रसिद्ध आहेत.
from Marathi Bollywood News, Marathi Cinema News https://ift.tt/3cdoCjm
