मुंबई: उत्तर प्रदेशच्या हाथरसमध्ये नराधमांच्या वासनेची शिकार तरुणीची मृत्युशी झुंज अखेर संपली. या तरुणीचा काल मृत्यू झाला. दिल्लीतील सफदरजंग रुग्णालयात उपचारादरम्यान हाथरसच्या बलात्कार पीडित तरुणीनं अखेरचा श्वास घेतला. देशभरातून या घटनेचा आक्रोश ऐकू येऊ लागला आहे. सोशल मीडियावर देखील लोक आपला राग व्यक्त करत आहेत. ट्विटरवर हाथरस सामूहिक बलात्कार प्रकरण टॉप ट्रेंड करत आहे. ट्विटरवर लोक पीडितेला न्याय मिळावा यासाठी आक्रमक झाले आहेत. बॉलिवूडमधील अनेक कलाकारांनी देखील या घटनेवर संताप व्यक्त केला आहे. म्हणाला... अवघ्या १९ वर्षीय एका आत्म्याचा इतक्या वेदनांमुळं अंत होतो, तिचा मृत्यू झाला. तिच्या आयुष्यातल्या शेवटच्या आठवणी भीती आणि क्रुरतेने भरल्या होत्या. या घटनेनंतर तिला कशी काय शांत झोप लागू शकते'असं ट्विट अर्जुन रामपाल यानं केलंय. पोलिसांना हा अधिकार कोणी दिला? पोलिसांनी तरुणीवर जबरदस्तीनं अंत्यसंस्कार करण्यात आल्याचं म्हटलं जात आहे. या घटनेवर यांनी ट्विट करत संताप व्यक्त केला आहे. हे थांबणार कधी? अक्षय कुमार यानं देखील या घटनेवर संताप व्यक्त केलाय. दोषींना फाशीची शिक्षा व्हावी, असं त्यानं त्याच्या ट्विटमध्ये म्हटलं आहे. काय आहे प्रकरण? जीभ कापली, पाठीचा कणा मोडला १९ वर्षांच्या पीडित दलित मुलीवर १४ सप्टेंबर रोजी उत्तर प्रदेशच्या हाथरसमध्ये चार हैवानांनी क्रूरपणे अत्याचार केले होते. आपलं कृत्य लपवण्यासाठी आणि मुलीनं काही बोलू नये यासाठी त्यांनी सामूहिक बलात्कारानंतर जीभ कापली होती, तसंच पाठीचा कणाही मोडला होता. रुग्णालयात दाखल केल्यानंतर ही मुलगी तब्बल नऊ दिवस बेशुद्धावस्थेतच होती. शुद्धीवर आल्यानंतर तिनं न बोलताच आपल्यावर झालेले सगळे अत्याचार इशाऱ्यांतूनच व्यक्त केले. तिच्या अंगावरच्या जखमाच सगळं काही सांगत होत्या. गेले १५ दिवस ती मृत्यूशी झुंजच देत होती आणि आज तिची ही लढाई अर्धवट राहिली. दरम्यान, या प्रकरणातील चारही आरोपींना अटक करण्यात पोलिसांना यश आलंय. हे चौघे तरुणीच्या गावातील रहिवासी आहेत. आरोपींची नावं संदीप, लवकुश, रामू आणि रवि अशी आहेत. यातील संदीप याला १४ सप्टेंबर रोजी अटक करण्यात आली. त्यानंतर रामू आणि लवकुशही पोलिसांच्या तावडीत सापडले. तर पोलीस तपास सुरू झाल्यानंतर फरार झालेल्या रवी या आरोपीच्याही पोलिसांनी २६ सप्टेंबर रोजी मुसक्या आवळल्या.
from Marathi Bollywood News, Marathi Cinema News https://ift.tt/2ELoJXn
