मुंबई- सुशांतसिंह राजपूत प्रकरणात ड्रग्ज अँगलमध्ये अभिनेत्री हीचं नाव आधीच समोर आलं होतं. यानंतर एनसीबीने तिला समन्सही पाठवला. पण आता रकुलने कोणताही समन्स मिळाला नसल्याचं सांगितलं. एनसीबीच्या सूत्रांनी याबद्दल बोलताना सांगितलं की, रकुल आता फक्त बहाणे करत आहे. एनसीबीच्या अधिकाऱ्यांनी तिला अनेकवेळा संपर्क करण्याचा प्रयत्न केला. पण रकुलने एनसीबीला फोनवरही प्रतिसाद दिला नाही. एनसीबीचे अधिकारी केपीएस मल्होत्रा म्हणाले की, रकुलप्रीत सिंगला चौकशीसाठीचा समन्स पाठवण्यात आला होता. तिच्याशी वेगवेगळ्या माध्यमातून संपर्क साधण्याचा प्रयत्न करण्यात आला. यात एक फोन कॉलही समाविष्ट आहे. मात्र तिच्याकडून कोणतंच उत्तर मिळालं नाही. रकुल तिचा फोन उचलत नाही. मिळालेल्या माहितीनुसार, रकुल सध्या हैदराबादमध्ये आहे. एनसीबीकडून रकुलला ड्रग्ज प्रकरणात अधिकृत समन्स बजावण्यात आला होता. पण ती उपलब्ध नाही तसेच तिने कोणत्याही प्रकारचं उत्तरही तपास यंत्रणेला दिलेलं नाही. रकुलप्रीत सिंग व्यतिरिक्त सारा अली खान आणि श्रद्धा कपूर यांनाही त्यांच्या घरी जाऊन्स समन्स बजावण्यात आला आहे. लवकरच या दोघांचीही चौकशी होणार आहे. जर रकुल चौकशीसाठी हजर राहिली नाही तर तिच्या विरोधात कारवाई करण्यात येऊ शकते. शूटिंग सोडून मुंबईसाठी रवाना झाली दीपिका दरम्यान, ड्रग्ज प्रकरणात रकुलप्रीत सिंग, सारा अली खान, सिमॉन खंबाटा, श्रद्धा कपूर यांच्यासह दीपिका पादुकोणचं नावही समोर आलं आहे. दीपिकाचं नाव समोर आल्यानंतर अनेकांना आश्चर्याचा धक्का बसला होता. दीपिकाचे ड्रग्ज चॅट समोर आले होते तर रकुलचं नाव चौकशीत समोर आलं होतं. क्वान कंपनीची मॅनेजर करिश्मासोबतचे दीपिकाचे चॅट समोर आले होते. यांच्याशी ड्रग्स चॅट उघडकीस आली. यात दीपिका करिश्माला माल आहे का असा प्रश्न विचारताना दिसते. आता दीपिकालाही एनसीबीच्या चौकशीला सामोरं जावं लागणार आहे. एनसीबीचा समन्स मिळाल्यानंतर तणावात असल्याचं म्हटलं जात आहे. दीपिकाने व्हिडीओ कॉन्फरन्सिंगद्वारे तिच्या कुटुंबियांशी आणि कायदेशीर टीमशी संवाद १२ जणांची कायदेशीर टीम सध्या दीपिकासाठी सज्ज झाली आहे. सध्या दीपिका गोव्यावरून मुंबईत चौकशीसाठी यायला निघाली आहे. ती चार्टर प्लेनने मुंबईत दाखल होणार आहे.
from Marathi Bollywood News, Marathi Cinema News https://ift.tt/2RTOLKW
