मुंबई टाइम्स टीम 'इतका कसा काय विक्षिप्त वागू शकतो एखादा माणूस?'...'' ही मालिका पाहताना लाखो प्रेक्षकांना हा प्रश्न पडतो. ज्याला पाहून प्रेक्षकांचा संताप होतो ती ''ची अर्थात, सोहमची भूमिका करणारा अभिनेता आशुतोष पत्की सध्या चर्चेत आहे. त्याच्याशी रंगलेल्या एफबी लाइव्ह गप्पांमध्ये त्यानं, व्यायामाचं वेड, त्याची शेफगिरी, प्राणीप्रेम, खवय्येगिरी अशा विविध विषयांवर दिलखुलास गप्पा मारल्या. गप्पांची सुरुवात करतानाच आशुतोष म्हणाला, 'आईचा छळ करायला लाज वाटत नाही?', 'कधीतरी चांगला वाग' अशा धारदार प्रतिक्रियांतून प्रेक्षक त्यांचं प्रेम व्यक्त करतात. दुसरीकडे अभिनयाचं भरभरून कौतुक करतात. भर बाजारात एक आजी एकदा मला खूप ओरडल्या होत्या. 'बबड्या' म्हणूनच त्या माझ्याशी बोलत होत्या. शेवटी, 'आईला मदत करेन, कपडे धुवत जाईन' अशी आश्वासनं देऊन मी माझी सुटका करून घेतली होती. एकदा ट्रेनच्या प्रवासात, कुणी ओळखू नये म्हणून एकदा हुड आणि टोपी घालून मी संपूर्ण प्रवास केला होता.' मी शेफ आहेमी हॉटेल मॅनेजमेंटचं शिक्षण घेतलं आहे. स्वतःचं रेस्तराँ उघडण्याची मला इच्छा आहे. पण, अभिनयाबाबत लहानपणापासून मनात कुतूहल होतं. बाबांकडे अनेक निर्माते-दिग्दर्शक यायचे. मी उत्तम अभिनय करू शकेन असा विश्वास त्यापैकी अनेकांनी मला दिला. हॉटेल मॅनेजमेंटचं शिक्षण पूर्ण झाल्यावर अनुपम खेर यांच्या संस्थेतून अभिनयातही पदवी घेतली आणि आत्मविश्वासानं या क्षेत्रात उतरलो. इतका दुष्ट कसा?हा मुलगा आईला एवढा त्रास कसा देऊ शकतो? हा प्रश्न प्रेक्षकांसारखाच मलाही पहिल्यांदा संहिता वाचताना पडतो. चॅनल आणि लेखकांची टीम मिळून मालिकेचा ग्राफ ठरवतात. कथानकाच्या पुढच्या वळणासाठी बबड्या किती वाईट आहे हे दाखवणं गरजेचं आहे. अभिनय करताना मला माझ्यातला आशुतोष पूर्णतः बाजूला सारावा लागतो. सोहम म्हणून विचार करण्याचा माझा प्रयत्न असतो. प्रेक्षकांना सोहमचा राग येतो याचा आनंद आहे. तीच कामाची खरी पावती आहे खलनायकी प्रतिमा पुसणारपुढच्या प्रोजेक्ट्समध्ये वेगवेगळ्या प्रकारच्या भूमिका हव्या असतील, तर लोकांचा राग घालवावा लागेल. मगच ते माझ्या प्रेमात पडतील. ही खलनायकाची इमेज पुसण्यासाठी मला प्रामाणिकपणे प्रयत्न करावे लागतील. हे आव्हान स्वीकारण्याची माझी तयारी आहे. बाबांचा पहिला श्रोतालहानपणापासून बाबांचं प्रत्येक गाणं मी घडताना पाहिलं आहे. बाबांची सगळीच गाणी मला खूप आवडतात. मी त्यांचा पहिला श्रोता आहे. आजही ते गाण्याला चाल लावतात, तेव्हा मी बाजूला बसून ऐकतो. माझ्या मूडनुसार इतरही अनेक गाणी ऐकत असतो. इंग्लिश गाणी मला विशेष आवडतात. आई-बाबांचाही बबड्यावर रागमाझे आई-बाबा नियमितपणे मालिका बघतात. बबड्याच्या विचित्र कारनाम्यांचा त्यांनाही खूप राग येतो. एक अभिनेता म्हणून माझ्या होणाऱ्या प्रगतीचं आई-बाबांना खूप कौतुक आहे. स्क्रीनवरील माझ्या प्रत्येक बारीकसारीक हालचालींकडे, हावभावांकडे त्यांचं बारीक लक्ष असतं. अजून खूप शिकायचंय, असं त्या दोघांचंही मला नेहमी सांगणं असतं. अस्सल खवय्याचिकन आणि मासे मला खूप आवडतात. बटर चिकन आणि गार्लिक नान ही माझी कधीही आवडणारी डिश आहे. माझी आई कोकणातली असल्यामुळे अनेक कोकणी पाककृतींची मेजवानी घरी नेहमीच असते. थालीपीठ, घावने, तळलेले मोदक हे पदार्थही मी आवडीनं खातो. उत्तम केमिस्ट्रीअनुभवी अभिनेते यांच्याबरोबर काम करण्याचा अनुभव समृद्ध करणारा आहे. ते मला खूप समजून घेतात, वेळोवेळी मार्गदर्शन करतात. चॉकलेट्स, चहा-कॉफीचे निरनिराळे प्रकार अशा अनेक पदार्थांचा आम्ही एकत्र आस्वाद घेतो. सेटवर आम्ही खूप गप्पा मारतो. आमचं विशेष बाँडिंग आहे आणि हीच केमिस्ट्री दृश्यांमध्येही पाहायला मिळते. टीव्हीवर बबड्याला पाहून अनेकांच्या तळपायाची आग मस्तकात जाते. अर्थात, ही अभिनेता आशुतोष पत्कीच्या उत्कृष्ट अभिनयाला मिळालेली पावती आहे. पण, 'पुढच्या प्रोजेक्ट्समध्ये वेगवेगळ्या भूमिका हव्या असतील, तर आधी लोकांचा राग घालवावा लागेल. मगच ते माझ्या प्रेमात पडतील' असं आशुतोष म्हणतो. 'महाराष्ट्र टाइम्स'च्या एफबी लाइव्हवर अलीकडेच आशुतोषशी रंगलेल्या या गप्पा.बबड्या महिलांच्या पेहरावाबाबत भाष्य करतो, असं एक दृश्य अलीकडेच मालिकेत दाखवण्यात आलं. खरं तर हा खूप गंभीर विषय आहे. प्रत्येक व्यक्तीला निवड करण्याचं स्वातंत्र्य आहे. कुणी कोणते कपडे घालायचे, कोणता नोकरी-व्यवसाय निवडायचा हे निर्णय स्वतः घेणं हा प्रत्येकाचा अधिकार आहे. लहान मुलांच्या आवडी-निवडीचाही आपण विचार करायला हवा. अभ्यास किंवा इतर कोणत्याही गोष्टींसाठी त्यांच्या मागे लागून काहीही होणार नाही. मुलांचा कल लक्षात घेऊन त्यांना योग्य दिशा दाखवायला हवी. प्राण्यांवर प्रेमबाबांना आणि मला दोघांनाही प्राणी खूप आवडतात. परिसरातल्या मांजरींना दूध प्यायला देणं, खाऊ घालणं आम्ही नेहमीच करत असतो. एखाद्या प्राण्याला दुखापत झाल्याचं आढळल्यास आम्ही त्याला इस्पितळात नेतो. जवळजवळ आठ वर्ष मी एक बोका पाळला होता. आता मला एक कुत्रा पाळण्याची इच्छा आहे. पण, त्यासाठी आईची परवानगी मिळवणं थोडं अवघड आहे. हक्कानं शिकवणारी मैत्रीणतेजश्रीनं याआधी खूप काम केलं आहे. ती हक्कानं मला अनेक गोष्टी शिकवत असते. सेटवर माझं मराठी वाचन करून घेण्यापासून, अभिनयातल्या छोट्या-छोट्या जागा परिणामकारक कशा करायच्या इथपर्यंत सगळंच ती मला खूप आपलेपणाने शिकवते. आमचे स्वभाव, आवडी-निवडी सारख्या आहेत. बाइक रायडिंगची दोघांनाही आवड आहे. इलेक्ट्रॉनिक गॅजेट्स, वेगवेगळे खाण्याचे पदार्थ यावर आमच्या गप्पा रंगतात. आमची छान मैत्री आहे. माझ्या डब्यातले पदार्थसुद्धा ती आवडीनं खाते. नियमित व्यायामदहावीनंतर मी खऱ्या अर्थानं व्यायाम करायला सुरुवात केली होती. त्यावेळी माझी उंची खूप होती आणि मी बारीक होतो. लोक मला माझ्या शरीरयष्टीवरून चिडवायचे. मग मी जिमला जायला सुरुवात केली आणि व्यायामाची आवड निर्माण झाली. जिममध्ये छान ग्रुप जमला आणि अगदी आनंदानं दोन-अडीच तास मी वर्कआउट करू लागलो. फिटनेस ट्रेनिंगचं प्रशिक्षणही मी घेतलं आहे. सध्या दररोज बारा-तेरा तास मालिकेचं शूटिंग असतं. तरीही व्यायामासाठी वेळ काढतो. सकाळी लवकर उठून नियमितपणे व्यायाम करतो आणि मग शूटिंगसाठी निघतो. घरचे डबेशूटिंगला जाताना मी खाण्याचे सात-आठ डबे सोबत घेऊन जातो. मासे, चिकन, अंडी, भात असे वेगवेगळे पदार्थ त्यात असतात. स्वयंपाक करण्यात, डबे भरण्यात आईला मदत करत असतो. हॉटेल मॅनेजमेंट केल्याचा खरोखरच फायदा होतोय. सेटवर दर दोन तासांनी मी काहीतरी खात असतो. दिग्दर्शनाचा मनसुबाबाबांनी मला सांगितलं होतं, त्याप्रमाणे मी सुरुवातीला सहायक दिग्दर्शक म्हणून काम केलं. केदार शिंदे यांच्याकडे काम केलं. कॅमेरा, कपडेपट, मेकअप हे वेगवेगळे विभाग यानिमित्तानं जवळून समजून घेता आले. अभिनय करताना या शिकलेल्या गोष्टींचा नेहमीच फायदा होतो. भविष्यात उत्तम अभिनेता होण्याबरोबरच दिग्दर्शनात उतरायचं आहे. अभिनय क्षेत्रातला प्रवास नुकताच सुरू झाला आहे. अजून खूप शिकायचं आहे आणि खूप काम करायचं आहे. माझ्या स्वभावाच्या पूर्णपणे विरुद्ध भूमिका करणं हे आव्हान आहे. आव्हानं स्वीकारायला मला आवडतं.
from Marathi Bollywood News, Marathi Cinema News https://ift.tt/3mrwDFA
