मुंबई- बॉलिवूड अभिनेता यांनी यंदाच्या वर्षी जगाचा निरोप घेतला. काही दिवसांपूर्वी इरफानच्या कबरीवर वाढलेलं रान पाहून अनेकांनी प्रश्न उपस्थित केले होते. यानंतर त्याच्या कबरीची स्वच्छता करण्यात आली आणि त्यावर फुलं वाहण्यात आली. आता इरफानच्या कबरीचं काम पूर्ण झालं असून सजवलेल्या कबरीचे फोटो इरफानचा मोठा मुलगा बाबिलने शेअर केले आहेत. बाबिलने शेअर केले फोटो गुरुवारी बाबिलने वडिलांच्या इरफान खानच्या कबरीचा फोटो इन्स्टाग्रामवर शेअर केला. यात त्याच्या कबरीभोवती स्वच्छता केलेली दिसते. तसेच त्यांची कबर गुलाबांच्या फुलांनी सजवलेली दिसते. हा फोटो शेअर करताना बाबिलने रशियन सिनेनिर्माते, नाट्य- दिग्दर्शक आणि लेखक आंद्रेई टार्कोव्हस्कीची ओळ लिहिली. 'जेव्हा एखादा माणूस जन्माला येतो तेव्हा तो अशक्त आणि लवचीक असतो. जेव्हा तो मरतो तेव्हा तो कठीण आणि असंवेदनशील असतो. जेव्हा एखादं झाड वाढत जातं तेव्हा ते मऊ असते, परंतु जेव्हा ते रूक्ष होतं तेव्हा ते कोरडं आणि कठीण होत जातं आणि मरतं.' 'कठीण आणि असंवेदनशीलता हे मरणाचं उदाहरण आहे तर आनंद आणि दुर्बलता ही जीवंत असण्याची निशाणी आहे. कारण जो कठोर होतो तो कधीच जिंकत नाही. बाबिल पुढे लिहिले की, 'बाबा तुम्ही कधीही कठोर नव्हता, तुमचा आत्मा क्षमाशील आणि संवेदनशील आहे.' चंदन रॉय सन्याल यांनी शेअर केला होता फोटो काही दिवसांपूर्वी अभिनेता चंदन रॉय सन्याल इरफान खान यांच्या कबरीला भेट द्यायला गेले होते. तिथे गेल्यावर त्यांनी कबरीचा फोटो सोशल मीडियावर शेअर केला होता. तेव्हा इरफानच्या कबरीची अवस्था पाहून चाहत्यांना फार वाईट वाटले होते. आपल्या आवडत्या अभिनेत्याच्या कबरेची ही अवस्था पाहून प्रत्येकजण निराश झाला होता. पण आता त्याची कबर स्वच्छ केलेली पाहून अनेकांनी आपल्या भावना व्यक्त केल्या. 'आजही इरफान खानच्या कबरीचे फोटो पाहिले की जीव तुटतो' अशाच भावना अनेकांनी व्यक्त केल्या. २९ एप्रिल रोजी इरफान खान यांचे झाले निधन ५३ वर्षीय अभिनेता इरफान खान यांचे २९ एप्रिल रोजी मुंबईतील कोकिलाबेन इस्पितळात निधन झाले. पोटाच्या संसर्गामुळे त्यांना एक दिवस आधी इस्पितळात दाखल करण्यात आले होते. इरफान खान दोन वर्षांपासून कर्करोगासारख्या गंभीर आजाराशी झुंज देत होते. त्यांच्या पश्चात पत्नी आणि दोन मुलं आहेत.
from Marathi Bollywood News, Marathi Cinema News https://ift.tt/3iJU8aH
