मुंबई: गेल्या काही दिवसांपासून कोरिओग्राफर ,अभिनेता आणि दिग्दर्शकही त्याच्या खासगी आयुष्यामुळं चर्चेत आला आहे. प्रभू देवा आपल्या भाचीसोबत रिलेशनशिपमध्ये असून लवकरच लग्न करणार असल्याचं म्हटलं जात होतं. परंतु आता वेगळ्याच चर्चा सुरू झाल्या आहेत. प्रभू देवानं सप्टेंबर महिन्यातच लग्न केल असल्याचं म्हटलं जात आहे. इतकंच नाही तर, प्रभू देवानं भाचीसोबत नव्हे तर त्याच्या फिजिओथेरपिस्टसोबतच लग्न केलं आहे, अशा चर्चांना उधाण आलं आहे. एका वेबसाइटनं दिलेल्या वृत्तानुसार प्रभू देवानं सप्टेंबर महिन्यात मुंबईतच गुपचूप लग्न गाठ बांधली आहे. असं असलं तरी या संदरर्भात कोणतही अधिकृत माहिती प्रभू देवा याच्या टीमकडून देण्यात आली नाहीए. गेल्या काही दिवसांपूर्वी प्रभू देवाच्या पाठीला दुखापत झाली होती. तेव्हा तो फिजिओथेरपिस्टकडे उपचार करत होता. याच दरम्यान दोघं प्रेमात पडले होते, असं म्हटलं होतं. प्रभू देवा सध्या सलमान खानच्या 'राधे: यूवर मोस्ट वॉण्टेड भाई' सिनेमाचं दिग्दर्शन करत आहेत. याशिवाय अनेक तमिळ सिनेमांमध्ये तो मुख्य भूमिकेतही दिसणार आहे. अभिनेता म्हणून 'पोन मनिकवेल' हा प्रभू देवाचा ५० वा सिनेमा असणार आहे. या सिनेमात तो पहिल्यांदाच पोलिसाच्या भूमिकेत दिसेल.
from Marathi Bollywood News, Marathi Cinema News https://ift.tt/36V2S9J
