मुंबई: बॉलिवूड अभिनेता याच्या मृत्यू प्रकरणाचा तपास सीबीआयची टीम करत आहे. सीबीआयच्या टीमचा तपास पूर्ण झाला असून लवकरच अहवाल सादर केला जाण्याची शक्यता असल्याचं म्हटलं जात असतानाच सीबीआयच्या अधिकाऱ्यांनी या संदर्भात माहिती दिली आहे. सुशांतच्या मृत्यू प्रकरणात हत्या झाल्याचे कोणतेही ठोस पुरावे सीबीआयच्या हाती लागले नसले तरी आमचा तपास पूर्ण झाला नसल्याचं अधिकाऱ्यांनी स्पष्ट केलं आहे. याच्या मृत्यूसंदर्भात अद्याप कोणतीही ठोस माहिती मिळत नसल्यानं पुन्हा एकदा आत्महत्येच्या दृष्टीनंच या प्रकरणाचा तपास सुरू केला आहे. दुसऱ्या टप्प्यातील तपासासाठी सीबीआयचं पथक दिल्लीहून पुन्हा मुंबईत आलं आहे. सुशांतच्या मृत्यूच्या तपासासाठी सीबीआयच्या विशेष पथकानं सर्व संबंधितांची तीन-तीन वेळा चौकशी केली आहे. मुख्य आरोपी व तिचा भाऊ शौविक चक्रवर्ती यांची चार दिवस सलग चौकशी झाली. पण त्यानंतरही सुशांतचा मृत्यू नेमका कसा झाला, याची कुठलीही ठोस माहिती सीबीआयच्या हाती लागलेली नाही. त्याचवेळी पथकानं कूपर रुग्णालयातून सुशांतसिंहच्या मृत्यूचा विस्तृत शवविच्छेदन अहवाल अर्थात ''चाही अभ्यास केला. ''च्या डॉक्टरांकडं हा अहवाल सोपविण्यात आला. 'एम्स'च्या डॉक्टरांनीही सकृतदर्शनी ही आत्महत्या असल्याचेच निदान केलं आहे. यामुळेच आता ठोस निर्णयाप्रत येण्यासाठी सीबीआय वेगळ्या दृष्टीनं तपास करणार आहे. त्यासाठीच पथकाचे दिल्लीहून मुंबईत आगमन झालं आहे. सीबीआयमधील सूत्रांनुसार, या प्रकरणात कुठल्याही निर्णयावर येण्याइतकी माहिती अद्यापही सीबीआयच्या हाती लागलेली नाही. तपास सुरू असतानाच व्हिसेरा अहवालाबाबत 'एम्स'ने आत्महत्येचा अंदाज व्यक्त केला आहे. त्यामुळेच पथकासमोरील आव्हाने वाढली आहे. याच पार्श्वभूमीवर 'एम्स'मधील डॉक्टरांशी सल्लामसलत करून पथक मुंबईत आले आहे. ते आता दुसऱ्या टप्प्यातील तपास सुरू करीत आहेत. यामध्ये 'एम्स'च्या डॉक्टरांनी व्यक्त केलेल्या आत्महत्येसंबंधीचा तपास सीबीआय पथक करणार आहे.
from Marathi Bollywood News, Marathi Cinema News https://ift.tt/3lQh5uM
