मुंबई- तुम्हाला आणि गौरी खानच्या घरी रहायचं आहे का? सुपरस्टारच्या घरी जाण्याचं स्वप्न तुम्ही दिवस- रात्र पाहता का? जर याचं उत्तर हो असेल तर तुमच्यासाठी एक सूवर्णसंधी चालून आली आहे. तुमचं हे स्वप्न प्रत्यक्षात उतरू शकतं. विशेष म्हणजे गौरी खानने पुढच्या वर्षीच्या व्हॅलेंटाईन डे रोजी चाहत्यांना ही संधी उपलब्ध करून दिली आहे. यात तुम्ही शाहरुखच्या दिल्लीतील बंगल्यात राहू शकता. शाहरुख आणि गौरी यांनी ‘एआर बीएनबी’ या घरमिळवून देणाऱ्या संस्थेशी करार केला आहे. त्यांनी यासंबंधी एक स्पर्धा आयोजित केली आहे. या स्पर्धेअंतर्गत चाहत्यांना ३० नोव्हेंबरपर्यंत फक्त एवढं सांगायचं आहे की त्यांच्यासाठी 'ओपन आर्म वेलकम' (दिलखुलासपणे स्वागत करणं म्हणजे काय) काय आहे. १८ नोव्हेंबर पासून या कॅम्पेनला सुरुवात होणार असून फक्त भारतीय नागरिक या स्पर्धसाठी अर्ज करू शकतात. विजेत्या जोडप्याला १३ फेब्रुवारी २०२१ रोजी या घरी एक रात्र राहण्याची संधी मिळणार आहे. विजेत्या जोडप्याला गौरीने स्वत: तयार केलेला कार्यक्रम, खान कुटुंबियांच्या पसंतीचे जेवण, शाहरुख खानच्या पसंतीचे, तसेच त्याचे स्वत:चे यशस्वी सिनेमे पाहाण्याची संधी आणि कुटुंबाकडून स्मृतीचिन्ह म्हणून घरी घेऊन जाण्यासाठी पर्सनलाइज्ड वस्तूंची भेट मिळणार आहे. ज्या चाहत्याचं उत्तर सर्वात क्रिएटिव्ह असेल त्यांना १३ आणि १४ फेब्रुवारी रोजी दक्षिण दिल्लीतील या आलिशान घरात राहण्याची संधी मिळेल. दिल्लीतील या घराचं इंटिरिअर स्वतः हिने केलं हे घर शाहरुख आणि तिच्या आतापर्यंतच्या प्रवासाची संपूर्ण कहाणी सांगतं. या घरातूनच शाहरुख आणि गौरी यांचा प्रवास सुरू झाला. यासोबतच गेल्या ३० वर्षांपासून शाहरुख आणि गौरीचा प्रवास, प्रेम आणि कुटुंब कसं पुढे गेलं याचं हे घर साक्षीदार आहे. याशिवाय या घरात गौरी आणि शाहरुखने काही संस्मरणीय क्षणही फ्रेम करून भिंतींवर लावले आहेत. तर मग विचार कसला करताय.. जर तुम्ही शाहरुखचे चाहते असाल तर ही संधी गमावू नका. विजेत्याला मिळेल : - गौरी आणि शाहरुख खान यांच्या दिल्लीस्थित पंचशील पार्क येथील घरी १३ फेब्रुवारी २०२१ रोजी एका जोडप्यास राहण्याची संधी - राहण्याच्या संपूर्ण कालावधीत प्रवासासाठी आलिशान गाडी, ज्यात इंदिरा गांधी आंतरराष्ट्रीय विमानतळावरून पिक अप, तसेच ड्रॉप व दिल्लीतील अन्य ठिकाणी येण्या- जाण्याचाही समावेश - गौरी खानकडून पर्सनलाइज्ड वेलकम नोट - खान कुटुंबाच्या आवडत्या पदार्थांचा समावेश असलेले भरगच्च डिनर - शाहरुख खानच्या आवडीचे सिनेमे पाहाण्याचे प्रदीर्घ सत्र - कुटुंबाकडून स्मृतिचिन्ह म्हणून पर्सनलाइज्ड भेटवस्तू
from Marathi Bollywood News, Marathi Cinema News https://ift.tt/3pDN3wQ
