मुंबई- अभिनेता सुनील शेट्टी याची मुलगी आणि भारतीय क्रिकेट संघाचा खेळाडू दोघं बऱ्याच काळापासून एकमेकांना डेट करत आहेत. दोघांनीही आपल्या प्रेमाची कबुली प्रसारमाध्यमांसमोर दिली नसली तरी सोशल मीडियावर ते एकमेकां सोबतचे फोटो शेअर करत असतात. सध्या राहुल ऑस्ट्रेलियामध्ये असून तिथे त्याला अथियाची आठवण येत आहे. इंडियन प्रीमियर लीग २०२० (आयपीएल) नंतर आता केएल राहुल ऑस्ट्रेलिया दौर्‍यावर गेला आहे. भारत आणि ऑस्ट्रेलिया यांच्यात एक मालिका होणार आहे. राहुल सध्या प्रॅक्टीसमध्ये प्रचंड घाम गाळत आहे. मात्र प्रॅक्टीसनंतरच्या फावल्या वेळेत त्याला अथियाची आठवण येते. दरम्यान, केएल राहुलने सोशल मीडियावर स्वत:चा एक फोटो शेअर केला आहे. यात तो उनो कार्ड खेळताना दिसत आहे. या फोटोत त्याने अथिया शेट्टीसह इतर काही मित्र- मैत्रिणींनाही टॅग केलं आहे. फोटो शेअर करताना राहुलने लिहिले की, आपले उनो नाइट्स मी खूप मिस करतोय. या फोटोवर कमेन्ट करताना अथियाने 'ग्रेट कार्ड्स' लिहिले आहे. केएल राहुलने अथियाला ५ नोव्हेंबरला तिच्या वाढदिवसाला शुभेच्छा दिल्या होत्या. राहुलने अथियासोबतचा फोटो शेअर केला होता. यात अथिया राहुलच्या खांद्यावर विसावलेली दिसत आहे. 'वेड्या मुलीला वाढदिवसाच्या शुभेच्छा' असं कॅप्शनही त्याने या फोटोला दिलं होतं. विशेष म्हणजे अवघ्या काही तासान् मध्येच हा फोटो सोशल मीडियावर व्हायरल झाला होता. अथिया शेट्टी आणि केएल राहुल यांच्या डेटींगच्या बातम्या बर्‍याच दिवसांपासून येत आहेत. असं म्हणतात की दोघांच्या घरातल्यांनाही त्यांच्याबद्दल माहीत आहे. शिवाय दोघांच्या नात्याबद्दल कोणालाही आक्षेप नाही.
from Marathi Bollywood News, Marathi Cinema News https://ift.tt/3fbC7Sh
