मुंबई : बॉलिवूडचा बडा खिलाडी याचा '' हा बहुचर्चित चित्रपट नुकताच प्रदर्शित झाला आहे. या चित्रपटात अक्षय कुमार आणि हे मुख्य भूमिकेत आहेत. हा चित्रपट प्रदर्शित होताच अक्षय आणि कियारापेक्षा सर्वाधिक चर्चा होतेय ती अभिनेता शरद केळकरची. सोशल मीडियावर शरदविषयी खूप बोललं जात असून, त्याच्या अभिनयाचं भरभरुन कौतुक होताना दिसतंय. त्याने या चित्रपटात खऱ्या लक्ष्मीची भूमिका साकारली आहे. हा चित्रपट नावावरुन वादाच्या भोवऱ्यात सापडला. त्यानंतर त्याचं 'लक्ष्मी बॉम्ब' हे नाव बदलून 'लक्ष्मी' असं करण्यात आलं. त्यातलं एक गाणंही वादग्रस्त ठरलं. पण सर्व संकटांवर मात करत हा चित्रपट प्रदर्शित झाला. या चित्रपटाविषयी प्रेक्षकांनी नाराजी व्यक्त केली असली, तरी चित्रपटातली शरद केळकरची भूमिका प्रेक्षकांना प्रचंड आवडली असल्याचं दिसून येत आहे. अनेकांनी ट्विटरवर शरद केळकरच्या लक्ष्मी या भूमिकेतला फोटो शेअर करत त्याच्या अभिनयाची प्रशंसा केली आहे. शरद केळकरची भूमिका प्रेक्षक उचलून धरत आहेत. शरद हा काही ठरावीक चित्रपटच करतो. पण त्याचा अभिनय अतिशय सुंदर असतो, असे एका चाहत्यानं त्याच्या अभिनयाची तारीफ करताना म्हटलं आहे. 'कंचना' या तामिळ सिनेमाचा हा हिंदी रिमेक आहे. राघव लॉरेन्स दिग्दर्शित या सिनेमात अक्षय कुमारसोबत कियारा आडवाणी, आणि राजेश शर्मा यांच्या महत्त्वपूर्ण भूमिका आहेत. सध्या सोशल मीडियावर #LaxmiiReview ट्रेण्ड करत आहे. लोकांनी सिनेमासाठी वेगवेगळ्या प्रतिक्रिया दिल्या आहेत.
from Marathi Bollywood News, Marathi Cinema News https://ift.tt/38zf8iN
