मुंबई- तिची मुलगी समिशाचे अनेक फोटो आणि व्हिडिओ सोशल मीडियावर पोस्ट करत असते. पण त्या साऱ्यांमध्ये ती समिशाचा चेहरा मात्र जाणीवपूर्वक लपवते. आजपर्यंत तिने आपल्या मुलीचा चेहरा कधीच दाखवला नाही. पण आज जेव्हा ती आपल्या मुलीसोबत घराबाहेर पडली तेव्हा पापाराझीच्या कॅमेर्‍यातून समीशाचा चेहरा लपला नाही. समीशाला पाहिल्यावर ती फार गोंडस आहे असंच म्हणतील यात काही शंका नाही. शिल्पा शेट्टी मुलीला घेऊन ऑफिसमध्ये गेली होती. नेमकी तेव्हाच छायाचित्रकारांनी समीशाचे भरपूर फोटो क्लिक केले. या फोटोंत शिल्पाने निळ्या रंगाचा शर्ट आणि डेनिमची जीन्स घातली होती. यासोबतच तिच्या चेहऱ्यावर मास्क होता. तर समिशाने गुलाबी रंगाचा टॉप, ग्रे पॅन्ट आणि गुलाबी हेअरबँड घातला आहे. या लुकमध्ये समीषा खूपच गोड दिसत होती. शिल्पा शेट्टी हिला वियान कुंद्रा हा एक मोठा मुलगा आहे. नुकतीच ती सरोगेसीच्या मदतीने एका मुलीची आई झाली. नेहा धुपियाच्या शोवर तिने वयाच्या ४५ व्या वर्षी आई झाल्याचं सांगितलं होतं. याचवेळी तिने गर्भपात झाल्याच्या त्या काळाबद्दलही सांगितलं. या शोमध्ये शिल्पा म्हणाली की, जेव्हा तिची मुलगी ५ वर्षांची होईल तेव्हा ती ५० वर्षांची होईल. शिल्पाने यावेळी स्पष्ट केलं की, लोकांचं याबद्दल काय मत आहे याचा त्यांना काहीही फरक पडत नाही. एक सर्वोत्कृष्ट आई होण्याचा सर्वतोपरी प्रयत्न ती करत आहे. शिल्पाने यंदा आपल्या मुलीसह सर्व सण मोठ्या थाटामाटात साजरे केले आणि त्याचे फोटो आणि व्हिडिओ सोशल मीडियावर शेअरही केले आहेत. या दिवाळीत तिच्या कुटुंबियांनी लक्ष्मीची पूजा करण्याबरोबरच मुलीचा आशीर्वाद घेतला होता. दरवर्षी तिचं कुटुंब एकत्र लक्ष्मीची पूजा करतात. दरम्यान, शिल्पा शेट्टीच्या आगामी सिनेमांबद्दल बोलायचे झाले तर शिल्पा 'निकम्मा' सिनेमात दिसणार आहे. अभिमन्यू दसानीचीही महत्त्वपूर्ण भूमिका असणार आहे. यासोबतच ती 'हंगामा २' मध्येही दिसेल. या सिनेमात तिच्यासोबत परेश रावल आणि मीजान जाफरीही आहेत.
from Marathi Bollywood News, Marathi Cinema News https://ift.tt/391TOTw
