मुंबई- कंगना रणौत आणि दिलजीत दोसांज यांच्यातलं ट्विटरवरचं शीतयुद्ध अजूनही लोक विसरले नाहीत. यातच आता आणि यांच्यात शाब्दिक चकमक सुरू आहे. सुरुवातीला ट्विटरवर अनिल आणिि अनुराग एकमेकांच्या ट्वीटला साधेपणाने उत्तर देत होते. मात्र थोड्यावेळात प्रकरण तापलं गेलं. एवढंच नाही तर अनिल आणि अनुराग दोघांनीही एकमेकांवर वैयक्तिक हल्ले केले आणि एकमेकांच्या करिअरची चेष्टाही केली. त्याचं झालं असं की, अनिल कपूर यांनी ट्विटरवर दिल्ली क्राइम या वेब सीरिजच्या टीमचं कौतुक केलं. 'तुम्हा लोकांचा हक्क आहे.. चांगलं वाटतं जेव्हा आणखीन लोकांना आंतरराष्ट्रीय पातळीवर मान्यता मिळत आहे.' अनिल कपूर यांच्या या ट्वीटला उत्तर देताना अनुरागने लिहिलं की, 'अनुराग कश्यप यांनी लिहिले की, 'आंतरराष्ट्रीय स्तरावर काही चांगल्या लोकांना मान्यता मिळत आहे हे वाचून छान वाटलं. तसं तुमचा ऑस्कर कुठे आहे? नाही? अच्छा नामांकन.' अनुरागच्या या ट्वीटला उत्तर देताना अनिल यांनी लिहिले की, 'तू ऑस्करच्या जास्तीत जास्त तेवढाच जवळ गेलेलास जेव्हा तू टीव्हीवर स्लमडॉग मिलेनिअरला ऑस्कर जिंकताना पाहिलं.' अनुराग कश्यपने पुढे लिहिले की, 'स्लमडॉग मिलेनिअरमध्ये शाहरुख पहिली पसंती होती. तुम्ही या सिनेमासाठी दुसरी निवड होता ना?' अनिल कपूर यांनी लिहिले की, 'कुणीतरी काम सोडलं आणि मी ते काम पकडलं. मला त्याची पर्वा नाही. काम म्हणजे काम. तुझ्याप्रमाणे मला कामाच्या शोधासाठी स्वतःचे केस तर ओढावे लागत नाहीत.' यावर अनुरागने लिहिले की, 'सर, केसांबद्दल तर तुम्ही बोलूच नका. तुम्ही केसांच्या जोरावर तर सिनेमांत भूमिका मिळवल्या.' अनिल कपूर यांनी लिहिले, 'बाळा, माझ्यासारख्या करिअरसाठी कौशल्याची आवश्यकता आहे. ४० वर्षांपासून माझ्या करिअरची गाडी अशीच चालत नाहीए.' अनुराग कश्यप यांनी लिहिले, 'सर, प्रत्येक ४० वर्षांच्या जुन्या कारला व्हिंटेज म्हटलं जात नाही. काहींना खटाराही म्हणतात.' या दोघांचं भांडण इथेच थांबलं नाही. एकमेकांवर वैयक्तिक ताशेरे ओढण्याचं काम सुरूच होतं. अनिल कपूर यांनी लिहिले, 'माझी कार ४० वर्ष चालली आहे. तुझी अजून गॅरेजच्याही बाहेर आलेली नाही.' अनुराग कश्यपने यावर लिहिले की, 'जर कार रेस ३ ची असेल तर माझी कार गॅरेजमध्येच राहिलेली चांगली.' यानंतर अनिल कपूर यांनी 'बॉम्बे वेलवेट' आणि 'रेस ३' या दोन्ही सिनेमांचं बॉक्स ऑफिस कलेक्शन दाखवलं. अनुराग कश्यप लिहिले, 'ठीक आहे सर. शुभ रात्री.. ओरडू नका.' अनिल कपूर यांनी लिहिले की, 'मला याचं वाटतं की मी तुझ्यासोबत एक सिनेमा करण्याचं ठरवलं. पण काळजी करू नकोस, यातही शेवटी मीच हसणार आहे.' दरम्यान, अनिल कपूर आणि अनुराग कश्यप यांचा एके व्हर्सेस एके ओटीटी प्लॅटफॉर्मवर रिलीज होणार आहे. अनुराग आणि अनिल यांच्यात बराच वाद होताना दिसणार आहे. अशात ट्विटरवरचं हे भांडणही प्रमोशनचा एक भाग असल्याचं म्हटलं जात आहे.
from Marathi Bollywood News, Marathi Cinema News https://ift.tt/2VOd66J
