मुंबई: बिग बॉसमुळं प्रकाशझोतात आलेला त्याच्या खासगी आयुष्यामुळं अनेकदा चर्चेत असतो. दोन लग्न अपयशी ठरल्यानंतर राहुलनं तिसऱ्यांदा लग्नगाठ बांधली. या रशियन मुलीसोबत राहुल विवाहबंधनात अडकला आहे. राहुलनं त्याच्या रशियन पत्नीनं धर्मपरिवर्तन केलं असून तिनं हिंदू धर्म स्वीकारलाय, असा नुकताच खुलासा केला आहे. 'माझ्या रशियन पत्नीनं हिंदू धर्मात परिवर्तन केलं असून मी देखील आता अध्यात्माच्या मार्गावर आहे, असं राहुल महाजन यानं सांगितलं आहे. तसंच आम्ही दोघंही एकमेकांच्या आयुष्याचा आदर करतो. एकमेकांच्या कामात आम्ही सहसा हस्तक्षेप करत नाही. नात्यात समतोल राखण्यासाठी आम्ही एकमेकांना ती सूट दिली आहे, असंही राहुल म्हणतो. नताल्या रशियन असली तरी, तिनं आता हिंदू धर्म स्वीकारला आहे. मी तिला नेहमीच शंकर आणि पार्वतीचं उदाहरण देत असतो.आपल्या दोघांचं नातं हे शंकर आणि पार्वतीसारखं असावं,असं मी तिला सांगत असतो. आम्ही एकत्र भगवद्गगीता समजून घेत असतो, अनेक आध्यात्मिक पुस्तकं वाचतो, असं राहुल म्हणाला. नताल्यापूर्वी राहुलचं श्वेता सिंह आणि डिम्पी गांगुली यांच्यासोबत लग्न झालं होतं. परंतु या दोघींनीही राहुवर र घरगुती हिंसाचाराचे आरोप केले होते. त्यामुळं दोघींनीही घटस्फोट घेतला होता. तसंच ड्रग्ज प्रकरणातही राहुलचं नाव समोर आलं होतं. दरम्यान, बिग बॉस हिंदीच्या चौदाव्या पर्वात राहुल चॅलेंजर म्हणून सहभागी होणार आहे.
from Marathi Bollywood News, Marathi Cinema News https://ift.tt/3orFPus
