मुंबई: करोना आणि लॉकडाऊनमुळं एकंदर सर्वच क्षेत्रात कामाच्या संधींवर परिणाम झालेला दिसून येत आहे. याला मनोरंजन क्षेत्र देखील अपवाद नाहीए. अनेक मालिका बंद झाल्या आहेत तर बऱ्याच चित्रपटांनी गाळा गुंडाळला आहे. अनेक कलाकारांना कामाला मुकावं लागलं आहे. अभिनेता यानं देखील सोशल मीडियावर पोस्ट शेअर करत कामाच्या शोधात असल्याचं म्हटलं आहे. 'नमस्कार, मी सध्या काम (अभिनय/सूत्रसंचालन) शोधतो आहे. माझ्या योग्य भूमिका असल्यास कृपया विचार करावा,अशी पोस्ट आस्तादनं शेअर केली आहे. आस्तादची अशी पोस्ट पाहून चाहत्यांनी मात्र त्याला लवकरच काम मिळेल,असं म्हणत त्याच्या पाठिशी असल्याचं सांगितलं आहे. पुढचं पाऊल या मालिकेतून आस्ताद घराघरांत पोहोचला होता. त्यानंतर नंतर त्यानं अनेक मालिकांमध्ये काम केलं. आस्तादनं नुकताच ‘सिंगिंग स्टार’ या रिअॅलिटी शोमध्ये भाग घेतला होता. या स्पर्धेच्या अंतिम फेरीपर्यंत तो पोहोचला होता‘बिग बॉस मराठी’मध्येही तो सहभागी झाला होता.
from Marathi Bollywood News, Marathi Cinema News https://ift.tt/2VoXiaD
