मुंबई: अभिनेत्री गरोदरपणातील विविध फोटो चाहत्यांसोबत शेअर करत असते. नुकताच तिनं सोशल मीडियावर एक फोटो पोस्ट केला असून यामध्ये ती चक्क करताना दिसत आहे. गरोदर असताना अनुष्काने केलेलं शीर्षासन हा सोशल मीडियावर चर्चेचा विषय ठरतोय. भिंतीचा आधार घेऊन अनुष्कानं शीर्षासन केलं असून पती विराट कोहलीनं आधार दिला आहे. या फोटोच्या कॅप्शनमध्ये तिने लिहिलं आहे की, 'हा सर्वात अवघड प्रकार आहे. योगसाधना माझ्या आयुष्याचा अविभाज्य घटक आहे. गरोदर असण्यापूर्वी मी जी काही योगासनं करत होती, ती सर्व आता गरोदर असतानाही करू शकते असं माझ्या डॉक्टरांनी मला सांगितलं. एका विशिष्ट टप्प्यानंतर वाकण्याचे व्यायाम वगळता आवश्यक आधारासह मी योगासनं करू शकते. शीर्षासन मी गेल्या अनेक वर्षांपासून करतेय. मी ते भिंतीच्या आधारे करू शकले आणि सुरक्षेच्या खातर माझ्या पतीनं मला आधार दिला. हे योग प्रशिक्षकांच्या मार्गदर्शनाखाली करू शकले. माझ्या गरोदरपणातही मी योगासनं करू शकते याचा मला खूप आनंद आहे'. असं असलं तरी नेटकऱ्यांनी मात्र विरुष्काची सोशल मीडियावर चांगलीच खिल्ली उडवली आहे. दोघांनाही ट्रोल केलं जात आहे. विरुष्काच्या या फोटोला मजेशीर कॅप्शन देऊन ते व्हायरल केले जात आहेत. पाहा काही मजेशीर मिम्स: अनुष्का शर्मा आपल्या आरोग्याची खूप काळजी घेत आहे. अनुष्का म्हणते की, 'बाळाला जन्म दिल्यानंतर मी मनोरंजनसृष्टीत पुन्हा सक्रिय होईन. घर, मूल आणि व्यावसायिक जीवन यांच्यात समतोल साधेन'. काही दिवसांपूर्वी अनुष्का सेटवर दिसली होती. 'सेटवर आल्यामुळे मला खूप आनंद होत आहे आणि पुढचे काही दिवस मी चित्रीकरण करणार आहे. नंतर बाळाला जन्म दिल्यानंतर मी पुन्हा चित्रीकरण करेन. माझं घर, बाळ आणि व्यावसायिक गोष्टी यांच्यात समतोल साधण्याचा प्रयत्न करेन. कारण अभिनय केल्यानं मला खरोखर आनंद मिळतो'. सध्या अनुष्का 'एंडोर्समेंट' चित्रपटाच्या शूटिंगमध्ये व्यग्र आहे. कोविड- १९च्या सर्व मार्गदर्शक तत्त्वांचं पालन करून काम पार पाडत आहे.
from Marathi Bollywood News, Marathi Cinema News https://ift.tt/3mwUcgn
