मुंबई- टेलिव्हिजनवरील प्रसिद्ध विनोदी मालिका '' मधील सर्वच पात्र प्रसिद्ध आहेत. इतकी वर्ष ही मालिका प्रेक्षकांचं मनोरंजन करत आहे. पण आजही ती टीआरपीच्या शर्यतीत नेहमीच टॉप १० मध्ये असते. या शोमध्ये काम करणार्‍या कलाकारांच्या वैयक्तिक आयुष्याबद्दल जाणून घेण्याची चाहत्यांना नेहमीच उत्सुकता असते. अलीकडेच या शोमध्ये भिडे यांच्या पत्नी म्हणजेच माधवी भाभीची भूमिका साकारणारी अभिनेत्री सोनालिका जोशीने सोशल मीडियावर तिच्या लग्नाच्या वाढदिवसाबद्दल एक पोस्ट शेअर करत नवऱ्याची ओळखही करून दिली. 'तारक मेहता का उल्टा चष्मा' मधील माधवी भाभीची व्यक्तिरेखा लोकांना आवडते. भिडे आणि माधवी भाभीमध्ये होणारी बाचाबाची पाहण्यातही लोकांना आवडतं. इतर कलाकारांप्रमाणेच म्हणजेच यांचंही सोशल मीडियावर चांगलं फॅन फॉलोइंग आहे. इन्स्टाग्रामवर २ लाखांहून अधिक लोक तिला फॉलो करतात. सोनालिका जोशीने अलीकडेच तिचा नवरा समीर जोशीसोबत एक फोटो शेअर केला. या फोटोत सोनालिकाने तिच्या लग्नाला १९ वर्ष पूर्ण झाल्याचं सांगितलं. फोटोत सोनालिकाने लग्नाच्या विधीचा जुना फोटो शेअर केला. यात दोघं एकमेकांकडे पाहून हसताना दिसत आहेत. या फोटोला तिने सुंदर कॅप्शनही दिले. सोनालिका जोशीने लिहिले की, 'आम्ही एकत्र येऊन आज १९ वर्ष झाली. माझ्या चेहऱ्यावर अजूनही हेच हासू आहे. येत्या वर्षांमध्ये आपण एकमेकांना अधिक समजून घेऊ आणि चांगल्या पद्धतीने जाणून घेऊ जी आपली आठवण होऊन जाईल.' सोनालिका एक मराठी कुटुंबातून आली आहे. कारकीर्दीच्या सुरुवातीला तिने अनेक नाटकात कामं केली. याशिवाय तिने अनेक मराठी मालिकांमध्येही काम केलं. पण तारक मेहता कार्यक्रमातून तिला मोठी ओळख मिळाली. सोनालिका सध्या पतीसह मुंबईत राहते. त्या दोघांना एक मुलगी आहे.
from Marathi Bollywood News, Marathi Cinema News https://ift.tt/3lxY3Zp
