मुंबई: ज्येष्ठ समाजसेवक दिवंगत बाबा आमटे यांची नात डॉ. यांच्या आत्महत्येमुळं राज्यातील सामाजिक वर्तुळ हादरून गेलं आहे. शीतल आमटे- करजगी काही दिवसांपासून मानसिक तणावात होत्या त्यातूनच त्यांनी आत्महत्या केली असल्याचं बोललं जात आहे. शीतल यांनी विषारी इंजेक्शन टोचून घेत आयुष्य संपवलं. याच संदर्भात अभिनेत्री हिनं एक व्हिडिओ शेअर केला आहे. शीतल यांच्या निधनानं माझी वैयक्तिक हानी झाल्याचं मयुरीनं तिच्या व्हिडिओमध्ये म्हटलं आहे. नेमकं काय म्हटलंय मयुरीनं या व्हिडिओमध्ये....शीतल आमटे यांची बातमी समजल्यापासून मी परत अस्वस्थ झालेय. त्याची प्रामुख्यानं दोन कारणं आहेत. एक म्हणेज काही आठवड्यांपूर्वी शीतल ताईनं फेसबुकवर मला मेसेज केला होतो. आम्ही एकमेकीचे नंबर घेतले. तिनं माझ्या धीराचं कौतुक केलं होतं. माझ्यापाठीमागं ती खंभीरपणे उभी असल्याचं शीतल ताई म्हणाली होती. दुसरं म्हणजे काही महिन्यांपूर्वी मी तिचा एक व्हिडिओ पाहिला होता. कशाप्रकारे तिनं पोस्टपार्टम डिप्रेशनशी लढा दिला होता. आशुतोषलाही हा व्हिडिओ दाखला होता. आम्हाला तिचं खूप कौतुक वाटलं होतं. आजही आपल्या समाजात डिप्रेशन,तणावाला गांभीर्यानं घेतलं जात नाही. या विषयावर मी आज बोलणार नाही पण काही साध्या गोष्टी आहेत. तुम्हाला नैराश्य वाटत असेल तर बोला..संवाद साधा. आपण पुरुषांना, मुलांना गृहीत धरतो. त्यांनी रडायचं नाही, सर्व संकटांना एकट्यानं तोंडं द्यायचं. हेच समाजातील मोठ्या व्यक्तींसोबतही होतंयं, बदलायला हवं. मला लोकं मेसेज करतात, की तू खूप स्ट्रॉंग आहेस. पण मलाही त्रास होतोय, मी तर रोजच रडतेय. हेच महत्त्वाचं आहे. जवळच्या लोकांशी बोला, शेअर करा. त्यात कोणताही कमीपणा नाहीय. तुम्हाला हे करता आलं तर तुम्ही स्ट्रॉंग आहात, असं मला वाटतं. आशुतोष गेल्यानंतर मला अनेकांचे मेसेज आले. ९९ टक्के लोकांना मी ओळखतही नाही. त्यामुळंच आज मी पुन्हा काम करू शकतेय'.
from Marathi Bollywood News, Marathi Cinema News https://ift.tt/3mBGfxM
