मुंबई- बॉलिवूडचा 'किंग खान' शाहरुख लवकरच मोठ्या पडद्यावर आपली जादू दाखवणार आहे. २०१८ मध्ये 'झिरो' सिनेमात तो अखेरचा दिसला होता. यानंतर जवळपास दोन वर्ष त्याने एकही सिनेमा केला नाही. आता '' सिनेमातून तो प्रेक्षकांच्या भेटीला येणार आहे. शाहरुखने आपल्या आगामी सिनेमाच्या चित्रीकरणाला सुरुवात केली असून यासाठी आपला कुलही बदलला आहे. सोमवारी मुंबईत एका प्रॉडक्शन हाऊस स्टुडिओच्या बाहेर त्याला पाहण्यात आलं. वाढवलेल्या केसांसह शाहरुखचा अंदाज हा कोणत्याही 'बादशहा'पेक्षा कमी नाही. 'पठाण' मध्ये असेल तुफान अॅक्शन, २०२१ मध्ये होईल प्रदर्शित शाहरुख खानचा 'पठाण' सिनेमा पुढच्या वर्षी प्रदर्शित होणार आहे. वॉर सिनेमाचे दिग्दर्शक सिद्धार्थ आनंद यांनी सिनेमाच्या दिग्दर्शनाची जबाबदारी सांभाळली आहे. या सिनेमात पुन्हा एकदा आणि शाहरुखची जोडी पडद्यावर दिसणार आहे. सिनेमात दीपिका पादुकोणही करणार अॅक्शन सीक्वेन्स मुंबई मिररच्या वृत्तानुसार 'पठाण' हा एक अॅक्शनपट असणार आहे. सिनेमात दीपिकाही बऱ्याच सीनमध्ये अॅक्शन सीक्वेन्स करताना दिसणार आहे. सिनेमाची कथा एका डिटेक्टिवभोवती फिरते. संपूर्ण सिनेमात शाहरुखची मुख्य भूमिका असली तरी दीपिका शाहरुखला त्याच्या कामात मदत करताना दिसणार आहे. टायगर आणि झोया म्हणजेच सलमान-कतरिना करणार कॅमिओ! विशेष म्हणजे झोया आणि टायगरही शाहरुखच्या मिशनमध्ये सहभागी होताना दिसतणार आहेत. सलमान खान आणि कतरिना कैफदेखील या सिनेमात 'टायगर फ्रेंचायजी'च्या भूमिकेत पाहुणे कलाकार म्हणून येणार आहेत. करोना व्हायरसचा विचार करता सिनेमाचं चित्रीकरण मुंबईतच होणार आहे. यासाठी एक स्टुडिओ तयार करण्यात आला आहे. असंही म्हटलं जातं की, पठाणमध्ये जॉन अब्राहम खलनायकाच्या व्यक्तिरेखेत दिसणार आहेत.
from Marathi Bollywood News, Marathi Cinema News https://ift.tt/2JANpUj
