मुंबई: कुष्ठरुग्णांच्या आयुष्यात जगण्याची उमेद पेरणाऱ्या वरोरा येथील आनंदवनात सोमवारी दिवंगत यांची नात यांनी आत्महत्या केल्याची धक्कादायक घटना घडली. या घटनेनं समाजमन हादरलं आहे. सकाळी साडेअकरा वाजताच्या सुमारास घरीच त्यांनी स्वत:ला विषारी इंजेक्शन टोचून घेतलं. त्यांच्या आत्महत्येचं कारण स्पष्ट होऊ शकलेलं नाही. आनंदवनातील श्रद्धावनात बाबा आणि साधनाताई यांच्या स्मृतिस्थळाशेजारी डॉ. शीतल यांच्या पार्थिवावर रात्री अंत्यसंस्कार करण्यात आले. या दुर्दैवी घटनेनंतर विविध क्षेत्रातील दिग्गजांनी दु:ख व्यक्त केलं आहे. मराठी सिनेसृष्टीतील संगीतकार, गीतकार आणि लेखक यांनी देखील फेसबुकवर पोस्ट शेअर करत शोक व्यक्त केला आहे. एक बुद्धिमान मैत्रीण हकनाक गेली, अशा शब्दांत सलील कुलकर्णी यांनी त्यांचं दु:ख व्यक्त केलंय.‘ताण..मनावर..कोणाचा? परिस्थितीचा? माध्यमांचा? चर्चेचा? एक बुद्धिमान मैत्रीण हकनाक गेली. नि:शब्द झालोय.. शीतल आमटे.. का गं?,’ असं म्हणत सलील यांनी त्यांच्या भावना व्यक्त केल्या आहेत. कोण होत्या शितल आमटे?डॉ. शीतल या आनंदवनच्या महारोगी सेवा समितीच्या मुख्य कार्यकारी अधिकारी होत्या. आनंदवन प्रकल्पातच वास्तव्यास होत्या. डॉ. शीतल या काही दिवसांपासून मानसिक तणावात असल्याची माहिती आमटे कुटुंबीयांनी नुकतीच दिली होती. या कौटुंबिक वादावर तोडगा काढण्याच्या उद्देशाने डॉ. विकास आणि डॉ. भारती आमटे हे हेमलकसा प्रकल्पात गेले होते. घटनेच्यावेळी डॉ. शीतल या आपल्या खोलीत एकट्याच होत्या. त्यांची प्रकृती बिघडल्याची बाब सासरे आणि पती गौतम यांच्या लक्षात येताच त्यांनी तातडीनं त्यांना वरोरा उपजिल्हा रुग्णालयात दाखल केले. तपासणीनंतर तेथील डॉक्टरांनी डॉ. शीतल यांना मृत घोषित केले. या घटनेने पती गौतम, मुलगा शर्विल यांना धक्का बसला आहे. २६ जानेवारी १९७९ रोजी जन्मलेल्या डॉ. शीतल यांनी २००३मध्ये नागपूरच्या शासकीय वैद्यकीय महाविद्यालयातून एमबीबीएसचे शिक्षण घेतलं. त्यांनी 'सामाजिक उद्यमता' हा अभ्यासक्रम पूर्ण केला. हेमलकसा, आनंदवन, सोमनाथ येथील संस्थांचं वित्त नियोजन केलं. वयाच्या चाळिशीच्या आत केलेल्या कामाबद्दल 'वर्ल्ड इकॉनॉमिक फोरम'नं मार्च २०१६मध्ये 'यंग ग्लोबल लीडर' म्हणून त्यांचा सत्कार केला होता. अमेरिकेतील हार्वर्ड विद्यापीठातून लीडरशिपचा अभ्याक्रमही पूर्ण केला होता. मेडिकल लीडरशिप क्षेत्रात 'लॅन्सेट कमिशन ऑन ग्लोबल सर्जरी' सोबत 'मशाल' आणि 'चिराग' असे दोन कार्यक्रम त्यांनी सुरू केलं होते. बाबा आमटे यांच्या सामाजिक कार्याचा वारसा त्या चालवित होत्या.
from Marathi Bollywood News, Marathi Cinema News https://ift.tt/3msrqh9
