मुंबई- '' मधील स्पर्धक अभिनेता सध्या चर्चेत आहे. जास्मीन भसीनसोबतच्या नात्यामुळे तो विशेष चर्चेत आला आहे. जास्मीन बिग बॉसच्या घरातून जेव्हा बाहेर पडली तेव्हा अलीने ज्या प्रकारे आक्रोश केला त्यानंतर सोशल मीडियावर बऱ्याच मुलींचा तो चाहता झाला. जास्मीनच्या आधीही अलीच्या आयुष्यात बर्‍याच मुली आल्या. पण नताशा स्टॅनकोविकचसोबतचं त्याचं नातं सर्वाधिक गाजलं गेलं होतं. अली गोनी आणि नताशा स्टॅनकोविच होते नात्यात अली गोनी यापूर्वीही त्याच्या लव्ह लाइफमुळे चर्चेत राहिला आहे. हार्दिक पांड्या याची पत्नी नताशा स्टॅनकोविक हिच्यासोबतही तो नात्यात होता. २०१४ मध्ये दोघं रिलेशनशिपमध्ये होते. एवढंच नाही तर एक्स म्हणून 'नच बलिये सीझन ९' मध्येदेखील दोघांनी भाग घेतला होता. एक वर्ष अलीला डेट केल्यानंतर नताशा हार्दिकच्या प्रेमात पडली. दरम्यान, अलीने ईटाइम्सला दिलेल्या मुलाखतीत नताशा आणि त्याच्या ब्रेकअपचं कारण सांगितलं होतं. दोघांच्या संस्कृतीत फरक असल्याचं त्याने ब्रेकअपचं कारण सांगितलं होतं. तो म्हणाला होता की, 'हो, आम्ही एकत्र नाही. मला वाटतं की मला एका भारतीय मुलीसोबत राहायला आवडेल. दोघांच्या संस्कृतीत कमालिची तफावत असल्यामुळे एकमेकांसोबत राहताना अनेक अडचणी आल्या. मी तिला पुढील आयुष्यासाठी शुभेच्छा देतो.' 'बिग बॉस १४' मध्ये अली गोनी जास्मीनचा सर्वात चांगला मित्र म्हणून गेला होता. त्याचा हेतू जास्मीनला पाठिंबा देण्याचा होता. पहिल्यांदा जास्मीनला वाचवण्यासाठी त्याला शोमधून बाद केलं गेलं. पुन्हा शोमध्ये आल्यानंतर दोघांमधली समीकरणं बदलताना दिसली. जास्मीन बिग बॉसच्या घरातून बाहेर जाताना अलीने ज्या प्रकारे तिला हाक मारली ते पाहून सलमान खानही रडला होता. लवकरच अली आणि जास्मीन लग्न करणार असल्याच्या चर्चा सध्या सुरू आहेत. जास्मीननेही यावर्षी अलीसोबत लग्न करण्याची इच्छा बोलून दाखवली होती.
from Marathi Bollywood News, Marathi Cinema News https://ift.tt/3bPHpTO
