मुंबई- बॉलिवूड अभिनेत्री आणि यांच्यात बरेच शाब्दिक वाद सुरू असताना दिसतो. आता पुन्हा एकदा त्यांच्यात सोशल मीडियावर बाचाबाची सुरू झालेली दिसली. त्याचं झालं असं की, कंगनाने ट्वीट करून पुन्हा तापसीला लक्ष्य केलं. यानंतर, तापसीनेही परत ट्वीट करत पलटवार करत कंगनाला जशास तसं उत्तर उत्तर दिलं. कंगनाने साधला तापसीवर निशाणा कंगनाने तिच्या एका चाहत्याचं ट्वीट शेअर करत दावा केला की तापसीने फोटोशूटमध्ये कंगनाची कॉपी केली. या ट्वीटमध्ये, तापसीला कंगनाची स्वस्त कॉपी देखील म्हटलं. याबद्दल बोलताना कंगनाने लिहिले की, 'या अलौकिक व्यक्तीपूर्वी माझं भविष्य काय होतं? याने मला खूप चिंतेच टाकलं आणि याबद्दल विचार करूनच मला हेवा वाटतो. मला इतरांविषयी माहीत नाही पण अशा कला, सौंदर्य आणि प्रतिभा अस्तित्त्वात असलेल्या जगात मला जगायचं नाही.' तापसीनेही दिलं उत्तर कंगनाची बहीण रंगोली चंडेलने तापसी पन्नूला 'कंगनाची स्वस्तातली कॉपी' अशी उपमा दिली होती. तापसीने त्यावर आपली प्रतिक्रिया दिली होती. यावेळीही तापसीने एक ट्वीट करत पलटवार केला. तापसीने कंगनाला थेट लक्ष्य केलं नाही. तापसीने ट्विटमध्ये एक कोट शेअर केला आहे, ज्यात लिहिले की, 'एक सक्षम आणि आत्मविश्वासू व्यक्ती कशाचीही ईर्ष्या करत नाही. जळणं हे कायमच असतं आणि ते माणसाच्या मानसिक असुरक्षिततेचं एक लक्षण आहे.' यापूर्वीही कंगनाने केलंय तापसीला लक्ष्य याआधी कंगनाने एका चाहत्याचं ट्वीट रिट्विट केलं. या ट्वीटमध्येही ती तापसीची खिल्ली उडवताना दिसते. तिने पुन्हा एकदा तापसीला कंगनाची स्वस्त कॉपी म्हटलं आहे. कंगनाने या ट्वीटमध्ये लिहिले की, 'मी आनंदी आहे, ही माझी खरी चाहती आहे. जिने माझ्यासारखं होण्यासाठी सर्व शक्ती पणाला लावली आहे. माझ्यासारख्या अन्य कोणत्याही महिला सुपरस्टारची कॉपी केली गेलेली नाही. अमिताभ बच्चन यांच्यानंतर सर्वात जास्त कॉपी केलेली मी दुसरी सुपरस्टार आहे.'
from Marathi Bollywood News, Marathi Cinema News https://ift.tt/3sfpxaD
