मुंबई :अभिनेता वरुण धवन त्याची प्रदीर्घ काळाची मैत्रीण हिच्यासोबत लवकरच लग्नगाठ बांधणार आहे. याबाबतचा खुलासा वरुणनं स्वतः केला आहे. गेल्या काही काळापासून तो नताशाबरोबर रिलेशनशिपमध्ये होता, पण तो आपल्या वैयक्तिक आयुष्याविषयी फारसं बोलत नाही. तो अधूनमधून नताशाबरोबरचे फोटो शेअर करतो. अलीकडे ते अनेकदा सार्वजनिक ठिकाणी एकत्र दिसू लागलेत. सोशल मीडियावर परस्परांचे फोटो देखील शेअर करतात. पण, आता पुढे जाऊन लवकरच ते लग्न करणार असल्याचं कळतंय. वरुणनं अलीकडेच दिलेल्या मुलाखतीत आपल्या रिलेशनबाबतचा खुलासा केला होता. त्याचं लग्न केव्हा होणार याबद्दलही त्यानं आता खुलासा केला आहे. लग्नाबद्दल विचारलं असता वरुण म्हणाला, 'प्रत्येक जण मागील दोन वर्षांपासून याबद्दल बोलत आहेत. पण सध्या काहीच ठोस नाही. सध्या जगात इतकी अनिश्चितता आहे, पण जर परिस्थिती सुधारली तर लवकरच कदाचित यावर्षीच लग्न होईल.' तसंच अलीकडेच झालेल्या करीना कपूरच्या 'व्हॉट वुमेन वॉन्ट' या शोमध्ये वरुणनं गर्लफ्रेंड नताशा दलालचा 'मंगेतर' असा उल्लेख केला. त्यामुळे लवकरच वरुण लग्नबंधनात अडणार यात शंका नाही.
from Marathi Bollywood News, Marathi Cinema News https://ift.tt/39iZAhX
