मुंबई- बॉलिवूडचा लोकप्रिय सुपरस्टार याला 'किंग खान' 'बादशाह' या नावाने त्याचे जगभरातले चाहते संबोधतात. शाहरुखची एक झलक पाहता यावी म्हणून त्याचे चाहते वाट्टेल ते करायच्या तयारीत असतात. शाहरुखचा बंगला मन्नतच्या बाहेर तर हजारो चाहते तासन् तास उभे राहिलेले दिसतात. आता फक्त चाहतेच नाही तर दिग्दर्शकही किंग खानच्या घराबाहेर तळ ठोकून बसताना दिसत आहेत. फिल्मफेअरच्या एका वृत्तानुसार, शाहरुखला स्वतःच्या सिनेमाची कथा ऐकवण्यासाठी बंगळुरू येथील एक सिनेदिग्दर्शक मुंबईत आला. एवढंच नाही तर शाहरुख भेटण्यासाठी तो त्याच्या बंगल्याच्या बाहेरच बसून राहिला. विशेष म्हणजे दररोज तो दिग्दर्शक सोशल मीडियावर फोटो आणि व्हिडिओमार्फत या संबंधित माहितीही शेअर करत असतो. सध्या शाहरुख खानचे सर्व चाहते या दिगद्रशकाचे सर्व पोस्ट सोशल मीडियावर मोठ्या प्रमाणात शेअर करत आहेत. त्यांच्या या शेअर मार्फत किंग खानपर्यंत त्याचं काम पोहोचावं अशी चाहत्यांची इच्छा आहे. हा यूवा दिग्दर्शक सध्या अभिनेत्याच्या नजरेत यावं म्हणून समुद्रकिनार्‍यावर आपला संपूर्ण वेळ घालवत आहेत. शाहरुख खानच्या आगामी प्रोजेक्टबद्दल बोलायचं झालं तर सिद्धार्थ आनंदच्या 'पठाण' सिनेमात तो दिसणार आहे. या सिनेमात त्याच्यासोबत दीपिका पादुकोण, शाजी चौधरी, जॉन अब्राहम आणि डिंपल कपाडिया यांच्याही महत्त्वपूर्ण भूमिका असणार आहेत. याशिवाय शाहरुख खान लवकरच राजकुमार हिरानी, अटली कुमार आणि राज-डीके यांच्या सिनेमांमध्येही काम करताना दिसणार आहे.
from Marathi Bollywood News, Marathi Cinema News https://ift.tt/3qeSbHs
