मुंबई- सैफ अली खानने आपला रॉयल '' सीरजच्या चित्रीकरणासाठी का दिला याचं सांगितलं आहे. विशेष म्हणजे पॅलेस शूटिंगला देण्यापूर्वी त्याने अनेकदा विचार केल्याचंही मान्य केलं. तसंच तो चित्रीकरण पूर्ण होईपर्यंत फार चिंतेत असल्याचंही म्हणाला. नवाब सैफने त्याच्या या घराचं कौतुकही अगदी नवाबी अंदाजात केलं आहे. गेल्या काही दिवसांपासून पतौडी पॅलेस विकण्याबद्दल चर्चेत आलं आहे. असं असताना आता सैफच्या 'तांडव' सीरिजमुळे हे पुन्हा एकदा चर्चेत आलं आहे. 'तांडव' या वेब सीरिजच्या ट्रेलरमध्ये सैफच्या घरावरच साऱ्यांची नजर खिळून राहते. या ऐतिहासिक वास्तूत चित्रीकरण करण्याची सैफने परवानगी का दिली या मागचं कारण त्याने आता दिलं आहे. एका इंग्रजी वृत्तपत्राला दिलेल्या मुलाखतीत सैफने सांगितलं की पतौडी पॅलेस हा स्वतःमध्येच रॉयल आहे. त्यामुळे त्याच्यासमोर उभा असलेला कोणीही रॉयल दिसायला लागतो. 'तांडव' सीरिजच्या कथानकाची ती गरज होती. तो पुढे म्हणाला की, 'जेव्हा कधी कधी पॅलेस शूटिंगसाठी देतो तेव्हा फार काही वाटत नाही. कारण नाही तर ३४० दिवस तर पॅलस बंदच असतो. त्यातही बहुतांशीवेळी पॅलेस बाहेरील जागेसाठी शूटला दिला जातो.' 'यावेळी पहिल्यांदा 'तांडव' सीरिजसाठी मी पॅलेसच्या आत शूट करण्याची परवानगी दिली. याचमुळे मी थोडा घाबरलेलो होतो. कारण जेव्हा बाहेर शूट करायला दिलं जातं तेव्हा जागेची देखभाल करण्याची संपूर्ण जबाबदारी सिनेमाच्या टीमची असते. पण तांडव सीरिजला मी सूट देत आतल्या घरात शूट करण्याची परवानगी दिली.' अलीकडे एक बातमी समोर आली होती की पतौडी पॅलेस ८०० कोटी रुपयांना विकण्यास काढला आहे. मात्र यात कोणतंही तथ्य नसल्याचं सैफने स्पष्ट केलं होतं. सैफने सांगितलं की, 'पतौडी पॅलेस कधीच विकला जाऊ शकत नाही. कारण माझे आजोबा, आजी आणि वडिलांची कबर इथे पुरली आहे. त्यामुळे पैशांमध्ये याचं मुल्य करणं अशक्य आहे. या मालमत्तेची भावनिक किंमत मूळ किंमतीपेक्षा जास्त आहे.'
from Marathi Bollywood News, Marathi Cinema News https://ift.tt/2LgRUoA
