मुंबई- ड्रग्ज प्रकरणात बॉलिवूड अभिनेत्रीची एक्स मॅनेजर राहीला फर्निचरवाला हिला शनिवारी नारकोटिक्स कन्ट्रोल ब्यूरोने (एनसीबी) अटक केली. राहिलासह तिची बहीण शाइस्ता आणि ब्रिटीश पासपोर्ट धारक करण सजनानी यांनाही अटक करण्यात आली. रविवारी तिघांनाही महानगर दंडाधिकारी न्यायालयात हजर करण्यात आले. वकील अजय उमापती दुबे यांनी नवभारत टाइम्सला सांगितलं की, दंडाधिकाऱ्यांनी शाईस्ताला जामीन मंजूर केला, तर राहिला व करण यांना दोन दिवस कोठडीत पाठवले आहे. आरोपींची चौकशी केल्यास बॉलिवूडमधील ड्रग्ज कनेक्शनमधील अनेक नामवंत व्यक्तींची नावे उघडकीस येतील अशी आशा एनसीबीला आहे. असं असलं तरी राहिला ज्या अभिनेत्रीची एक्स मॅनेजर होती तिचा या संपूर्ण घटनेत हात असल्याचं स्पष्ट झालेलं नाही. शनिवारी छापा टाकताना एनसीबीने करणच्या घरातून सुमारे २०० किलो परदेशी जप्त केला. हा गांजा कुरिअरद्वारे मुंबईला पाठवण्यात आला होता. सूत्रांनी दिलेल्या माहितीनुसार करणच्या घरात एक मिक्सर ठेवण्यात आला आहे. जेव्हा ग्राहकांकडून करणला गांज्याची मागणी होते तेव्हा तो गांजा मिक्सरमध्ये घालायचा आणि त्यांना द्यायचा. विशेष म्हणजे करण ग्राहकांकडून जे पैसे घ्यायचा तो ते स्वतःच्या खात्यात ट्रान्सफर करायचा नाही. उटल तो राहिलाच्या खात्यात गूगल पे करायला सांगायचा. एनसीबीच्या सूत्रांनी दिलेल्या माहितीनुसार, करण ग्राहकांना ५ हजार रुपये प्रती ग्रॅमनुसार गांजा विकायचा. त्याचे बहुतेक ग्राहक पेज थ्री पार्टीचे होते. त्याचं हे अमली पदार्थांचं जाळ फक्त मुंबई पुरताच मर्यादित नाही. त्याचा हा अवैध धंदा गोवा, तामिळनाडू, कर्नाटक, आंध्र प्रदेश आणि मेघालयातही सुरू होता. ३१ डिसेंबरच्या रात्री देशातील वेगवेगळ्या मोठ्या शहरांमध्ये होणाऱ्या पार्ट्यांना त्याच्यामार्फत अमली पदार्थ पुरवले जात होते. एनसीबी सूत्रांचे म्हणणे आहे की करणच्या ड्रग्ज व्यवसायात राहिला आर्थिक मदत करायची. त्यामुळे एनसीबीने करणसह एनडीपीएस कायद्यांतर्गत कलम २७ आणि २७ अ लागू केले आहे. जर हे आरोप सिद्ध झाले तर आरोपींना २० वर्षांपर्यंत शिक्षा होऊ शकते. परंतु राहिलाचे वकील अजय उमपती दुबे यांच्या म्हणण्यानुसार करण नियमितपणे यूकेहून मुंबईला यायचा म्हणून राहिलाने त्याच्या ट्रीपचा खर्च केला होता.
from Marathi Bollywood News, Marathi Cinema News https://ift.tt/2XvXN3I
