मुंबई- दाक्षिणात्य सुपरस्टार हे नाव आज प्रत्येकाच्या तोंडी आहे. सोशल मीडियापासून ते खऱ्या आयुष्यात त्याचे कोट्यवधी चाहते आहेत. त्याच्या उत्कृष्ट अभिनयाने आणि अनोख्या स्टाइलने त्याने प्रेक्षकांची मनं जिंकली. त्याला एकदा पाहण्यासाठी चाहते जीवाचं रान करतात. परंतु, त्याचं मन मात्र या सगळ्यांपेक्षा स्नेहा रेड्डीमध्ये गुंतलं आहे. अल्लू अर्जुन आणि यांचा प्रेमविवाह झाला होता आणि त्यांची प्रेमकहाणी एखाद्या चित्रपटाच्या कथेप्रमाणे भन्नाट आहे. अल्लू आणि स्नेहा यांचा विवाह ६ मार्च २०११ रोजी झाला होता. अल्लू आणि स्नेहा पहिल्यांदा त्यांच्या मित्राच्या लग्नात भेटले होते आणि स्नेहाला पाहताक्षणी अल्लू तिच्या प्रेमात पडला होता. स्नेहादेखील अल्लुला पाहताक्षणी त्याच्या प्रेमात पडली होती. मग काय तिथूनच त्यांची प्रेमकहाणी सुरू झाली. मित्राच्या लग्नातच दोघांनी एकमेकांचे फोन नंबर घेतले. त्यानंतर त्या दोघांमध्ये बोलणं सुरू झालं. स्नेहा तिचं मास्टर्स पूर्ण करून भारतात परत आली होती. अल्लू अर्जुन हे नाव तिच्यासाठी मुळीच नवीन नव्हतं कारण तेव्हा अल्लूचं नाव तेलगू चित्रपटांत गाजत होतं. स्नेहा हैदराबादच्या एका प्रसिद्ध व्यावसायिकाची मुलगी आहे. जेव्हा अल्लु आणि स्नेहाने त्यांच्या घरी आपल्या लग्नाबद्दल सांगितलं तेव्हा अल्लुच्या वडिलांनी लग्नाला लगेच होकार दिला. मात्र स्नेहाच्या वडिलांनी स्पष्ट नकार दिला होता. अल्लूने खूप समजूत काढल्यानंतर त्याचे वडील स्नेहाच्या घरी लग्नाचा प्रस्ताव घेऊन गेले होते. पण स्नेहाच्या वडिलांनी त्यांचा प्रस्तावाला नकार दिला. पण अल्लु आणि स्नेहा एकमेकांशिवाय राहू शकत नव्हते. त्यांनी घरातल्यांची समजूत काढली. घरातल्यांची परवानगी घेण्यासाठी त्यांना बरीच मेहनत घ्यावी लागली होती. घरातल्यांनी होकार दिल्यानंतर दोघांनी थाटामाटात लग्न केलं. आज ते त्यांच्या संसारात अत्यंत सुखी असून त्यांना आर्यन आणि अरहा अशी दोन मुलं आहेत. अल्लू हा प्रसिद्ध तेलगू दिग्दर्शक अल्लू अरविंद यांचा मुलगा आहे आणि प्रसिद्ध अभिनेते चिरंजीवी यांचा भाचा आहे. अल्लूने त्याच्या इन्स्टाग्राम अकाउंटवर त्याच्या पत्नीसोबतचा फोटो शेअर करत तिला लग्नाच्या १० व्या वाढदिवसाच्या शुभेच्छा दिल्या आहेत.
from Marathi Bollywood News, Marathi Cinema News https://ift.tt/3ehUVky
