मुंबई- बॉलिवूडचा प्रसिद्ध चित्रपट 'मोहब्बते' मध्ये भूमिका साकारणारी अभिनेत्री आणि शिल्पा शेट्टीची बहीण सध्या चित्रपटसृष्टीपासून दूर आहे. पण असं असलं तरी ती सोशल मीडियावर मात्र सक्रिय असते. ती तिचे नवनवीन फोटो आणि व्हिडिओ चाहत्यांसोबत चाहत्यांसोबत शेअर करते. नुकतीच ती 'ब्लॅक विडोज' या वेबसीरिजमध्ये झळकली होती. आता शमिताने तिच्या लग्नाचा विचार सुरु केला आहे. त्यासाठी तिने मुलगा शोधायला सुरुवात केली आहे. परंतु, त्यांना मुलगा शोधायला अडचण होत आहे. शमिताने नुकत्याच दिलेल्या एका मुलाखतीत म्हटलं, तिला लग्न तर करायचंय पण एक अडचण आहे. तिने म्हटलं, 'मला लग्न करायचंय पण मला हे माहीत नाही की माझा होणारा नवरा कुठे आहे. तो कुठेतरी दूर आहे आणि त्याला मला शोधावं लागेल. मी माझ्या मनातील भावना कधीही लपवून ठेवू शकत नाही आणि माझ्या या सवयीमुळे मी नेहमीचं अडचणीत सापडते. पण मला प्रेम या संकल्पनेवर प्रचंड विश्वास आहे.' शमिता सध्या ४२ वर्षाची असून ती लग्नासाठी मुलगा शोधतेय. तिने म्हटलं, 'सध्याच्या परिस्थितीमध्ये समाजात जे काही सुरू आहे ते पाहून मला फार भीती वाटते. आपल्या समाजातील लग्नव्यवस्था एका वेगळ्या वळणावर चालली आहे. मला जर कोणाशी लग्न करायचं असेल तर माझी इच्छा आहे की मी त्या व्यक्तीसोबत आयुष्य घालवावं. पण आजपर्यंत मला असा एकही व्यक्ती भेटला नाही ज्याला पाहून मला त्याच्यासोबत संपूर्ण आयुष्य घालवण्याची इच्छा व्हावी.' शमिताने तिच्या स्वप्नातील राजकुमाराला लवकरात लवकर तिच्या आयुष्यात येण्याचं आवाहन केलं आहे. दरम्यान, शमिता शेट्टीने 'मोहब्बते' मधून बॉलिवूडमध्ये पदार्पण केलं होतं. २००९ साली तिने छोट्या पडद्यावरील 'बिग बॉस' या शो मधेही भाग घेतला होता. तसेच, २०१९ साली 'खतरो के खिलाडी' या शो मधेही सहभागी झाली होती. शमिता एक उत्तम इंटिरिअर डिझायनर आहे.
from Marathi Bollywood News, Marathi Cinema News https://ift.tt/3rokXX5
