मुंबई- बॅडमिंटनपटू नेहवालच्या आयुष्यावर आधारित चित्रपट 'सायना' २६ मार्च रोजी प्रेक्षकांच्या भेटीला येणार आहे. या चित्रपटाच्या टीजरला प्रेक्षकांनी उत्तम प्रतिसाद दिला होता. प्रेक्षकांचा प्रतिसाद पाहता हा चित्रपट बॉक्स ऑफिसवर चांगली कमाई करेल अशी आशा व्यक्त केली जातेय. चित्रपटातील सायनाची भूमिका साकारणाऱ्या परिणीती चोप्राच्या अभिनयाचं देखील प्रेक्षकांनी कौतुक केलं होतं. परंतु, या चित्रपटात सायनाच्या भूमिकेसाठी लोकप्रिय अभिनेत्री श्रद्धा कपूरची निवड करण्यात आली होती. काही कारणामुळे श्रद्धाच्या जागी परिणीतीला ही भूमिका देण्यात आली. चित्रपटाचे दिग्दर्शक अमोल गुप्ते यांनी यामागील खऱ्या कारणाचा खुलासा केला आहे. नुकत्याच दिलेल्या एका मुलाखतीत अमोल यांनी सांगितलं की, 'चित्रपटाची मुख्य अभिनेत्री बदलण्याचा निर्णय निर्मात्यांच्या आदेशावरून घेण्यात आला. 'चित्रपटाचे निर्माते भूषण कुमार यांना 'स्ट्रीट डान्सर थ्री डी' चित्रपटात श्रद्धाला मुख्य अभिनेत्री म्हणून पाहायचं होतं. त्यानुसार श्रद्धा त्या चित्रपटाच्या चित्रीकरणात व्यग्र झाली. हा चित्रपट २०२० च्या सुरुवातीला प्रदर्शित करण्यात आला होता. परंतु, चित्रपट बॉक्स ऑफिसवर फार काही कमाल दाखवू शकला नाही.' पुढे बोलताना ते म्हणाले, ' मी याबाबतीत कोणताही खुलासा न केल्याने अनेकांचा गैरसमज झाला असेल की आमच्यात काही वाद निर्माण झाले आहेत. परंतु, तसं काहीही नव्हतं. श्रद्धाने 'सायना' चित्रपटाच्या चित्रीकरणासाठी भरपूर तयारी केली होती. त्यामुळे आम्ही चित्रपटाचं चित्रीकरणही सुरु केलं होतं. परंतु, त्यादरम्यान श्रद्धाला डेंग्यू झाला. त्यामुळे ती महिनाभर इस्पितळात होती. ती घरी परतल्यावर अत्यंत अशक्त झाली होती. चित्रपटाचं चित्रीकरण करण्याच्या अवस्थेत ती नव्हती. ती प्रयत्न करत होती परंतु तिचे प्रयत्न कमी पडत होते. त्यामुळे आम्हाला दुसऱ्या अभिनेत्रीची निवड करावी लागली.' यापूर्वी 'बागी ३' मध्ये दिसली होती.
from Marathi Bollywood News, Marathi Cinema News https://ift.tt/399HGPf
