मुंबई ः गेल्या काही दिवसांपासून बॉलिवूडमधील अनेक कलाकारांना करोनाची लागण झाल्याच्या बातम्या आल्या आहेत. यामध्ये दिग्दर्शक संजय लिला भन्साळी, रणबीर कपूर, मनोज बाजपेयी, कार्तिक आर्यन, सतीश कौशिक, सिद्धांत चतुर्वेदी यांचा समावेश आहे. परंतु आता यातील संजय लिला भन्साळी यांचा रिपोर्ट निगेटिव्ह आला आहे. बॉलिवूडमधील सुत्रांनी दिलेल्या माहितीनुसार, संजय लिला भन्साळी यांची टेस्ट पॉझिटिव्ह आल्यानंतर ते ऑफीसमध्येच क्वारंटाईन झाले होते. त्यांचे घर आणि ऑफीस समोरासमोर आहे. या क्वारंटाईन कालावधीमध्ये त्यांचे वास्तव्य ऑफीसमध्येच आहे. तिथूनच ते आईशी संवाद साधत आहेत. दरम्यान, भन्साळी यांची पुन्हा करोना टेस्ट करण्यात आली आहे. त्यांचा हा रिपोर्ट निगेटिव्ह आला आहे. आता क्वारंटाईनचा कालावधी पूर्ण झाल्यानंतर भन्साळी कामाला लवकरच सुरुवात करणार आहे. परंतु चित्रिकरण नेमके कधी ते नेमके कळू शकलेले नाही. २२ वर्षांनंतर अजय देवगणबरोबर दिसणार संजय लिला भन्साळी यांना करोनाची लागण होण्यापूर्वी ते या सिनेमाच्या चित्रिकरणात व्यग्र होते. यामध्ये अजय देवगण ही प्रमुख भूमिकेत आहे. या सिनेमाद्वारे संजय लिला भन्साळी आणि अजय देवगण हे २२ वर्षांनी एकमेकांबरोबर काम करत आहेत. आलियाची प्रमुख भूमिका संजय लिला भन्साळी यांचा हा बहुचर्चित सिनेमा सत्यघटनेवर आधारीत आहे. यामध्ये आलिया भट माफिया क्विनची भूमिका साकारत आहे. खरे तर हा सिनेमा गेल्यावर्षीच प्रदर्शित होणार होता परंतु करोनामुळे या सिनेमाचे काम लांबले. आता हा सिनेमा येत्या ३० जुलै रोजी थिएटरमध्ये प्रदर्शित होणार आहे.
from Marathi Bollywood News, Marathi Cinema News https://ift.tt/3ffqRXj
