मुंबई: टीव्हीवरील सर्वात लोकप्रिय शो ''मधील दयाबेनचा भाऊ सुंदरलाल तसं पाहायला गेलं तर शोमध्ये कधीतरीच दिसतो. पण तरीही त्याच्या भूमिकेनं प्रेक्षकांवर आपली छाप सोडली आहे. जेठालाल आणि सुंदरलाल यांची दमदार केमिस्ट्री शोमध्ये पाहायला मिळते. सुंदरलालनं आपल्या अभिनयानं सर्वांची मनं जिंकली आहेत. पण आता दयाबेनचा भाऊ सुंदरलाल म्हणजेच अभिनेता याची करोना टेस्ट पॉझिटिव्ह आल्याचं बोललं जात आहे. ज्यामुळे 'तारक मेहता'च्या टीमची चिंता वाढली आहे. सुंदरलाल म्हणजेच मयुर वकानी हा दयाबेन म्हणजेच दिशा वकानीचा रिल आणि रिअल भाऊ सुद्धा आहे. पण आता सुंदरलालचा करोना रिपोर्ट पॉझिटिव्ह आल्यानं संपूर्ण टीम चिंताग्रस्त आहे. काही काळापूर्वीच सर्वांनी सुंदरलालसोबत शूटिंग सुद्धा केलं होतं. त्यामुळे आता पूर्ण टीमला आपली करोना चाचणी करून घ्यावी लागणार आहे. जर आणखी कोणत्या सदस्याची करोना टेस्ट पॉझिटिव्ह आली तर ही गोष्ट टीमसाठी मोठी समस्या उभी करू शकते. सध्या बॉलिवूड तसेच टीव्ही सेलिब्रेटींच्या करोना टेस्ट मोठ्या प्रमाणावर पॉझिटिव्ह येताना दिसत आहे. अनेक सेलिब्रेटी अलिकडच्या काळात करोना संक्रमित झालेले आढळले आहेत. त्यामुळे अभिनय क्षेत्रात काम करणाऱ्या सर्वांचीच चिंता वाढताना दिसत आहे. करोनाच्या नियमांचं काटेकोर पालन न केल्यानं ही परिस्थिती उद्भवल्याचं काही कलाकारांचं म्हणणं आहे. दरम्यान एका मागोमाग एक सेलिब्रेटी करोना पॉझिटीव्ह आढळल्यानं आता सेटवर करोना नियमांचं पालन बंधनकारक करण्यात आलं आहे.
from Marathi Bollywood News, Marathi Cinema News https://ift.tt/3vAtt7N