मुंबई: अभिनेत्री अनुष्का शर्मा आणि करिना कपूर यांच्यानंतर आता बॉलिवूडची लोकप्रिय गायिका लवकरच आई होणार आहे. श्रेयानं सोशल मीडियावर एक फोटो शेअर करत चाहत्यांना ही गोड बातमी दिली आहे. बेबी बंपसोबतचा फोटो शेअर करत श्रेयानं बाळासाठी प्रेम आणि आशीर्वाद मागितले आहेत. श्रेया घोषालनं बेबी बंपसोबतचा फोटो शेअर करत चाहत्यांना गुड न्यूज दिली आहे. तिनं या फोटोच्या कॅप्शनमध्ये लिहिलं, बेबी श्रेयादित्य लवकरच येणार आहे. शिलादित्य मुखोपाध्याय आणि मला तुमच्यासोबत ही गोड बातमी शेअर करताना खूप आनंद होत आहे. आमच्या बाळाला तुमचं प्रेम आणि आशीर्वादांची गरज आहे. कारण आम्ही आमच्या आयुष्यातील एका नव्या अध्यायाची सुरुवात करत आहोत. श्रेया घोषालच्या या पोस्टवर तिचे चाहते आणि बॉलिवूड सेलिब्रेटींनी शुभेच्छांचा वर्षाव केला आहे. लग्नाच्या ६ वर्षांनंतर श्रेया घोषाल पहिल्यांदा आई होणार आहे. त्यामुळे या नव्या अनुभवासाठी ती खूप उत्सुक आणि आनंदी आहे. श्रेया घोषालनं ५ फेब्रुवारी २०१५ मध्ये तिचा बालमित्र शिलादित्य मुखोपाध्यायशी लग्न केलं होतं. शिलादित्य Hipcask.com या वेबसाइटचा संस्थापक आहे. श्रेया आणि शिलादित्य पारंपरिक बंगाली पद्धतीनं लग्नाच्या बेडीत अडकले होते. २००२ मध्ये संजय लीला भन्साळी यांच्या देवदास चित्रपटातून श्रेयानं तिच्या बॉलिवूड करिअरची सुरुवात केली होती. या चित्रपटासाठी तिनं एक-दोन नाही तर 'सिलसिला ये चाहत का', 'बैरी पिया', 'छलक छलक', 'मोरे पिया' आणि 'डोला रे डोला' अशी पाच गाणी गायली होती आणि त्यानंतर श्रेया स्टार झाली.
from Marathi Bollywood News, Marathi Cinema News https://ift.tt/3kNe3rF
