मुंबई: बॉलिवूड अभिनेत्री तिच्या दमदार अभिनयासाठी ओळखली जाते. श्रद्धा आता पर्यंत अनेक हिट चित्रपटात काम केलं आहे. ती सोशल मीडियावरही बरीच सक्रिय असते. ज्यात ती आपल्या प्रोफेशनला लाइफबद्दल चाहत्यांना माहिती देताना दिसते. पण आपल्या पर्सनल लाइफबद्दल मात्र श्रद्धा फार कमी बोलते. एवढंच नाही तर रोहन श्रेष्ठासोबतच तिच्या रिलेशनशिपची अनेकदा चर्चा होत असतानाही ती मात्र यावर गप्प राहणंच पसंती करते. हे दोघं नेहमीच त्यांचं नातं सर्वांपासून लपवताना दिसले होतं. मात्र मागच्या काही दिवसांत हे चित्र बदललं आहे. श्रद्धा आणि रोहन मागच्या काही दिवसांत सार्वजनिक ठिकाणी एकत्र दिसत आहेत. सध्या सोशल मीडियावर श्रद्धा आणि रोहनच्या डिनर डेटची चर्चा आहे. ज्याचे फोटो खूप व्हायरल होताना दिसत आहेत. रोहन आणि श्रद्धा मंगळवारी रात्री डिनर डेटवरून घरी परतताना कॅमेऱ्यात कैद झाले. त्यांचे हे फोटो सध्या सगळीकडेच चर्चेचा विषय ठरत आहेत. याशिवाय श्रद्धा आणि रोहन यांचा एक व्हिडीओ सुद्धा सोशल मीडियावर व्हायरल झाला आहे. ज्यात डिनर करून हे दोघंही हॉटेलच्या बाहेर पडताना दिसत आहेत. काही दिवसांपूर्वी श्रद्धाची मावशी पद्मिनी कोल्हापूरे यांचा मुलगा प्रियांक शर्माचं लग्न मालदीव येथे पार पडलं. ज्यात श्रद्धाच्या कुटुंबियांसोबत रोहन सुद्धा दिसला होता. याशिवाय मालदीवमध्ये श्रद्धाच्या बर्थडे सेलिब्रेशनच्या फोटो आणि व्हिडीओमध्येही रोहन दिसला होता. ज्याप्रकारे रोहन श्रद्धाच्या फॅमिली फंक्शनमध्ये वावरताना दिसला होता. त्यावरून हे दोघंही लवकरच लग्नाच्या बेडीत अडकतील असा अंदाज लावला जात आहे. दरम्यान टाइम्स ऑफ इंडियाशी बोलताना रोहनचे वडील राकेश श्रेष्ठा यांनी एका प्रश्नाचं उत्तर देताना म्हटलं, 'जेवढं मला माहीत आहे त्यावरून श्रद्धा आणि रोहन एकमेकांचे खूप जुने मित्र आहेत. लहानपणापासून हे दोघं एकमेकांना ओळखतात आणि कॉलेजमध्येही ते दोघं एकत्र होते. श्रद्धा व्यतिरिक्त माझ्या मुलाचे जुहूमध्ये कोणी मित्र नाही पण श्रद्धाचे अनेक मित्र आहेत. त्या दोघांमध्ये असं काही नातं असतं तर मला नक्कीच माहीत असतं.' राकेश श्रेष्ठा पुढे म्हणाले, 'जर ते दोघं एकमेकांना आवडत असतील किंवा त्यांना आयुष्यभरासाठी एकमेकांची साथ हवी असेल तर ही चांगली गोष्ट आहे. दोघंही समजदार आहेत आणि ते विचार करूनच निर्णय घेतील याची मला खात्री आहे. माझा या नात्याला कधीच विरोध असणार नाही. जर लग्न करून त्या दोघांना आनंद होत असेल तर त्यांच्यासाठी मी काहीही करायला तयार आहे.'
from Marathi Bollywood News, Marathi Cinema News https://ift.tt/3rAk4dM
