मुंबई: बॉलिवूड अभिनेत्री कियारा अडवाणीनं कमी काळात बॉलिवूडमध्ये स्वतःचं वेगळं स्थान निर्माण केलं आहे. 'कबीर सिंग' चित्रपटाच्या यशानंतर कियारा बॉलिवूडच्या आघाडीच्या अभिनेत्रींमध्ये गणली जाऊ लागली. दरम्यान कियाराच्या करिअरसोबतच तिचं खासगी आयुष्य सुद्धा नेहमी चर्चेत राहतं. मागच्या काही काळापासून कियारा अभिनेता सिद्धार्थ मल्होत्राला डेट करत असल्याच्या चर्चा आहेत. मात्र या दोघांनीही हे अद्याप स्वीकारलेलं नाही. मात्र नुकत्याच दिलेल्या एका मुलाखतीत कियारानं तिच्या लव्ह लाइफ बद्दल मोठा खुलासा केला आहे. अभिनेता आणि यांना अनेकदा एकत्र स्पॉट करण्यात आलं आहे. मात्र हे दोघंही नेहमीच आपण एकमेकांचे चांगले मित्र असल्याचं सांगताना दिसतात. अशावेळी फिल्मफेअर मासिकाला दिलेल्या मुलाखतीत अखेर कियारानं तिच्या रिलेशनशिपच्या चर्चांवर मौन सोडलं. सिद्धार्थ मल्होत्राचं नाव न घेता 'मी एका अभिनेत्याला डेट करत आहे' असं कियारानं सांगितलं. कियारा अडवाणी नुकतीच फिल्मफेअर मासिकाच्या मुखपृष्ठावर झळकली. यावेळी दिलेल्या मुलाखतीत कियाराला 'तू शेवटचं कोणाला डेट केलं होतंस?' असा प्रश्न विचारण्यात आला. ज्यावर उत्तर देताना कियारा म्हणाली, 'ज्या व्यक्तीला मी मागच्या वर्षी शेवटचं डेट केलं होतं किंवा डेटवर गेले होते. त्यालाच मी सध्या डेट करत आहे आणि यावर्षीही आम्ही दोन वेळा डेटवर गेलो होतो. आता पुढचं गणित तुम्हीच करा.' याच मुलाखतीत 'तुझ्या बॉयफ्रेंडनं तुझा विश्वासघात केला तर काय करशील?' असा प्रश्न विचारल्यावर कियारा म्हणाली, 'मी त्याला लगेच ब्लॉक करेन आणि त्याच्याकडे परतून कधीच जाणार नाही. मी त्याला कधीच माफ करणार नाही.' दरम्यान मागच्या काही काळात कियारा अनेकदा सिद्धार्थच्या अपार्टमेंटच्या बाहेर स्पॉट झाली आहे. तसेच जानेवारीमध्ये मालदीववरून परतल्यावर ती सिद्धार्थच्या आई-वडिलांनाही भेटल्याचं बोललं जात आहे. वर्कफ्रंट बद्दल बोलायचं तर सिद्धार्थ मल्होत्रा लवकरच कियार अडवाणीसोबत 'शेरशाह' या चित्रपटातून प्रेक्षकांच्या भेटीला येणार आहे. त्याचा हा चित्रपट येत्या २ जुलैला प्रदर्शित होणार आहे. तसेच सध्या तो आगामी चित्रपट 'मिशन मजनू'च्या शूटिंगमध्ये बिझी आहे. या चित्रपटात तो दाक्षिणात्य अभिनेत्री रश्मिका मंदनासोबत दिसणार आहे. तर कियारा अडवाणी लवकरच अभिनेता कार्तिक आर्यनसोबत 'भूल भुलैय्या २'मधून प्रेक्षकांच्या भेटीला येत आहे.
from Marathi Bollywood News, Marathi Cinema News https://ift.tt/3bXYv1r
