मुंबई- बॉलिवूड अभिनेत्री प्रियांका चोप्राला अनेकदा अशा विचित्र घटनांना सामोरं जावं लागलंय. तिने बॉलिवूडसोबतचं हॉलिवूडमध्येही तिच्या अभिनयाचा ठसा उमटवला आहे. सोशल मीडियावरही तिचे प्रचंड चाहते आहेत. परंतु, अनेकदा तिच्यासारख्या दिसणाऱ्या व्यक्तींना प्रियांका समजून प्रश्न विचारले गेलेत. अनेकांनी तर तिच्या चेहऱ्याशी मिळता जुळता चेहरा असणाऱ्या व्यक्तींचे फोटो तिच्या जागी लावलेत. आताही प्रियांकासोबत घडलेला असाचं एक किस्सा पाहायला मिळाला. एका युजरने प्रियांकाच्या ऐवजी दुसऱ्याचं अभिनेत्रीला निक जोनसबाबत प्रश्न विचारला. ट्विटरवर एका युजरने प्रियांका समजून हॉलिवूडची अभिनेत्री ला प्रश्न विचारला. त्याने लिहिलं, ' आणि जमीला जमील यांचा घटस्फोट झाला आहे का?' त्यावर 'द गुड प्लेस' अभिनेत्री जमीला हिने ट्विट करत उत्तर दिलं. तिने लिहिलं, 'एक भारतीय महिला प्रियांका चोप्रा जी माझ्यासारखी अजिबात दिसत नाही. मला वाटत ते दोघे एकमेकांसोबत आहेत आणि खूप आनंदी आहेत.' जमीलाच्या या ट्विटवर प्रियंकाने देखील एक ट्विट केलं ज्यात तिने lol लिहून अनेक इमोजी वापरले. जमीला जमील एक ब्रिटिश अभिनेत्री असून ती एक मॉडेलदेखील आहे. ती तिच्या एका कॉमेडी वेबसीरिज 'द गुड प्लेस' मधील उत्कृष्ट अभिनयासाठी ओळखली जाते. तसेच तिने 'प्लेइंग इट स्ट्रेट', 'फ्रेशली स्क्वीज़्ड', 'द मिसरी इंडेक्स' आणि 'लीजेंडरी' सारख्या कार्यक्रमात निवेदक आणि परीक्षकांची भूमिका केली आहे. हे पहिल्यांदा घडलं नाही जेव्हा प्रियांकाच्या ऐवजी दुसऱ्या अभिनेत्रीला काही विचारलं गेलंय. यापूर्वीही एबीसी नेटवर्क ज्यांनी 'क्वान्टीको' प्रसारित केला होता, त्यांनी प्रियांकाच्या जागी युक्ता मुखीचा फोटो वापरला होता. त्याआधी प्रियांका चोप्राच्या जागी लेखिका आणि अभिनेत्री पद्मा लक्ष्मी यांचा फोटो मॅगझीनवर लावण्यात आला होता. प्रियांका आणि निकने २ डिसेंबर २०१८ रोजी जोधपूरमध्ये लग्न केलं होतं.
from Marathi Bollywood News, Marathi Cinema News https://ift.tt/3q5mpMu
