मुंबई- मराठी चित्रपटसृष्टीतील भयपटांची यादी काढायची झाली तर मोजक्याच चित्रपटांची नावं घेता येतील. परंतु, 'हा खेळ सावल्यांचा' या चित्रपटापासून सुरु झालेला मराठी भयपटांचा प्रवास 'पछाडलेला', 'अनवट', 'झपाटलेला', 'काळ', 'भयभीत' या चित्रपटांनी पुढे सुरू ठेवला. या चित्रपटांच्या यादीत मागील काही वर्षात 'सविता दामोदर परांजपे' आणि 'लपाछपी' या उत्कृष्ट भयपटांचा समावेश झाला. मराठी प्रेक्षकांकडून जास्तीत जास्त भयपटांची मागणी होऊ लागली. भीतीचा हा थरार असाचं सुरू ठेवण्यासाठी आणखी एक भयपट प्रेक्षकांच्या भेटीला येत आहे. अभिनेता याने त्याचा आगामी '' चित्रपटाचं पहिलं पोस्टर शेअर करत चाहत्यांना सुखद धक्का दिला आहे. मराठी सिनेसृष्टीत चॉकलेट बॉय म्हणून ओळखला जाणाऱ्या स्वप्नीलने त्याच्या इन्स्टाग्रामवर चित्रपटाचं पोस्टर चाहत्यांसोबत शेअर केलं आहे. या पोस्टरमध्ये तो अत्यंत भेदरलेल्या अवस्थेत दिसत असून त्याच्या डोळ्यात भीतीची भावनाही दिसत आहे. लाल रंगाचं क्रॉस त्याच्या दोन्ही डोळ्यात चमकत असून त्याच्या कपाळावरून रक्त वाहताना दिसतं. कोणीतरी आपल्यावर वार करणार या भावनेने तो घाबरला आहे आणि ओरडत आहे असं या चित्रपटाचं पोस्टर असून त्याखाली 'कोण आहे एलिझाबेथ?' असा प्रश्न विचारण्यात आलाय. या प्रश्नाचं उत्तर प्रेक्षकांना जाणून घ्यायचं असेल तर त्यांना १६ एप्रिल रोजी चित्रपटगृहांमध्ये जावं लागेल. हा चित्रपट १६ एप्रिल २०२१ रोजी संपूर्ण महाराष्ट्रात प्रदर्शित होत आहे. 'बळी' या भयपटाचे दिग्दर्शन विशाल फुरिया यांचे असून जीसिम्सतर्फे चित्रपटाची निर्मिती करण्यात आली आहे. या चित्रपटाबद्दल बोलताना दिग्दर्शक फुरिया म्हणाले, ''लपाछपी' या चित्रपटाला प्रेक्षकांनी प्रचंड प्रतिसाद दिला. प्रेक्षकांनी त्यांना भयपट आवडतात याची जाणीव करून दिली शिवाय आणखी चित्रपट बनवण्याची प्रेरणा देखील दिली. त्यांच्या प्रतिसादाला दाद म्हणून मी भयपट बनवत राहायचे ठरवले. स्वप्नीलने या चित्रपटाबाबत सांगताना म्हटलं, 'यावर्षी मी नव्या प्रकारातील चित्रपट करेन, असं मी माझ्या प्रेक्षकांना सांगितलं होतं. या भयपटात भूमिका करण्याची संधी मिळाली हे मी माझं भाग्य समजतो. मला खात्री आहे की, आम्ही प्रेक्षकांना घाबरवण्यात यशस्वी ठरू. प्रेक्षकांसाठी हा एक नवीन अनुभव असेल.'
from Marathi Bollywood News, Marathi Cinema News https://ift.tt/3sWgyLj
