मुंबई: ९०च्या दशकातील सुपरस्टार अभिनेता यांचा जगभरात मोठा चाहता वर्ग आहे. मागच्या काही वर्षांमध्ये रिलीज झालेले त्यांचे चित्रपट बॉक्स ऑफिसवर फारशी कमाल दाखवू शकलेले नाही. गोविंदा यांनी अनेकदा मुलाखतींमध्ये त्याचं करिअर संपवण्याचा कट करण्यात आला होता असा आरोप केला होता. पण नुकत्याच दिलेल्या एका मुलाखतीत त्यांनी बॉलिवूड इंडस्ट्रीबाबत बरेच खुलासे केले आहेत. गोविंदा यांचा सुपरहिट चित्रपट कुली नं १चा रिमेक काही महिन्यापूर्वीच रिलीज झाला. मात्र गोविंदा यांनी यावर काहीही बोलण्यास नकार दिला. मागच्या वर्षी ओटीटी प्लॅटफॉर्मवर रिलीज झालेल्या या चित्रपटावर बऱ्याच नकारात्मक प्रतिक्रिया आल्या होत्या. या चित्रपटाचं दिग्दर्शन डेव्हिड धवन यांनी केलं होतं. ज्यांनी कधीकाळी गोविंदा यांच्यासोबत बरेच सुपरहिट चित्रपट दिले होते. नुकत्याच दिलेल्या मुलाखतीत गोविंदा म्हणाले, 'तुम्ही मला कधीच कोणाच्या विरोधात बोलताना ऐकणार नाही. बरेच लोक दुसऱ्यांच्या विरोधात बोलतात. पण मी माझ्या लाइफमध्ये कोणालाच जज केलं नाही कारण मी नेहमीच प्रत्येकाच्या मेहनतीचा आणि त्यांनी गुंतवलेल्या पैशांचा आदर करतो.' गोविंदा पुढे म्हणाले, 'मागच्या १४-१५ वर्षांमध्ये मी इंडस्ट्रीमध्ये अनेक ठिकाणी पैशांची गुंतवणूक केली. मला जवळपास १६ कोटींचं नुकसान सोसावं लागालं आहे. अनेक लोकांनी माझ्यासोबत दुर्व्यवहार केला. ज्यात बॉलिवूडमधीलही अनेक लोक होते. माझ्या चित्रपटांना थिएटर्स मिळाली नाहीत आणि त्यांनी माझं करिअर संपवण्याचा विचार केला होता. पण मी २०२१ मध्ये नव्या उत्साहात धमाका करण्यासाठी तयार आहे.' बॉलिवूडमध्ये तुमच्याविरोधात कटकारस्थान केलं गेलं असा प्रश्न विचारल्यावर गोविंदा म्हणाले, हो निश्चितच माझ्यासोबत हे घडलं आहे. इंडस्ट्रीमध्ये आपली माणसं सुद्धा परकी होतात. जेव्हा तुम्हाला नशीबाची साथ मिळत नाही तेव्हा तुमची स्वतःची माणसं सुद्धा तुमच्या विरोधात जातात. मागच्या काही वर्षांमध्ये गोविंदा यांनी डेव्हिड धवन यांच्या विरोधात अनेक खुलासे केले आहे. एका मुलाखतीत गोविंदा यांनी सांगितलं होतं, 'जेव्हा मी राजकारण सोडलं तेव्हा माझ्या डेव्हिड यांचं झालेलं बोलणं मी ऐकलं होतं. ते माझ्या सेक्रेटरीला सांगत होते, चीची (गोविंदा)खूप प्रश्न विचारतो. मला आता त्याच्यासोबत काम करायचं नाही. त्याला सांगा काही छोट्या-मोठ्या भूमिका साकारायला.'
from Marathi Bollywood News, Marathi Cinema News https://ift.tt/3tjV37d
