मुंबई: बॉलिवूड गायक जुबिन नौटियालच्या चाहत्यांची संख्या दिवसेंदिवस वाढताना दिसत आहे. जुबिन प्रत्येक नवीन गाणं चाहत्यांच्या मनावर राज्य करताना दिसत आहे. त्याचं प्रत्येक गाणं लोकप्रिय होत आहे. उत्तराखंडचा रहिवासी असलेल्या या गायकानं नुकतीच गुजरातच्या गांधी आश्रम येथे सुरू असलेल्या अमृत महोत्सवात हजेरी लावली. या ठिकाणी त्यानं परफॉर्म सुद्धा केलं आणि त्यानंतर त्यानं यांची आई हिराबेन यांची भेट घेत त्यांचा आशीर्वादही घेतला. देशाला स्वातंत्र्य मिळून लवकरच ७५ वर्ष पूर्ण होणार आहेत. या निमित्तानं अहमदाबाद, गुजरात येथील गांधी आश्रमात अमृत महोत्सवाचं आयोजन करण्यात आलं होतं. या ठिकाणी गायक जुबिन नौटियालनं सुद्धा हजेरी लावली होती. हा कार्यक्रम संपल्यानंतर तो पंतप्रधान नरेंद्र मोदी यांच्या आईला भेटायला त्यांच्या घरी पोहोचला. जुबिन नौटियानं पंतप्रधान नरेंद्र मोदी यांच्या आईसोबत झालेल्या भेटीचे काही क्षण फेसबुकवरून चाहत्यांशी शेअर केले आहेत. जुबिननं पंतप्रधान नरेंद्र मोदीं यांच्या आईसोबतचे फोटो फेसबुकवर शेअर केले आहेत. यासोबतचं त्यानं कॅप्शनमध्ये पंतप्रधान नरेंद्र मोदींसाठी खूपच सुंदर ओळी लिहिल्या आहेत. त्यानं लिहिलं, आता मला समजलं की, पंतप्रधान नरेंद्र मोदी एवढे नम्र आणि आपल्या मातीशी नातं जोडून का आहेत. हे सर्व त्यांना त्यांच्या आईकडून मिळालं आहे. हे त्यांच्या आईचे संस्कार आहेत. जुबिन नौटियालनं खूप कमी काळातच आपल्या टॅलेंटच्या जोरावर बॉलिवूडमध्ये स्वतःचं वेगळं स्थान निर्माण केलं आहे. त्याची बरीच गाणी हिट झाली आहेत. जुबिन नौटियालचे आता फक्त देशातच नाही तर जगभरात चाहते आहेत. मागच्या काही काळात त्याची 'लुट गये' आणि 'मैं जिस दिन भूला दूँ' ही गाणी रिलीज झाली आहेत. जी खूप हिट झाली आहेत.
from Marathi Bollywood News, Marathi Cinema News https://ift.tt/2OPCDfF
